Helena Tabernaren 'Nagore' dokumentala debalde eskaini ahal izango da Sanferminetan

  • Nagore Laffageren hilketaren 10. urtemuga dela-eta Helena Taberna zinegile altsasuarrak Nagore dokumentalaren emanaldi eskubideak debalde utzi dizkie emakume talde zein bestelako elkarteei Sanferminak iraun bitartean, uztailaren 6tik 17ra.

ARGIA @argia
2018ko uztailaren 05a
\'Nagore\' dokumentalaren fotograma

Ikus-entzunezkoaren emakume profesionalen direktorioak, Hemen elkarteak, bere kide den Taberna zinegilearen ekimena txalotu du. Hamar urte dira Diego Yllanes-ek Laffage hil zuela Iruñeko Sanferminetako festetan. Hilketa hura aztertzeaz gain, gaur egun festen inguruan gertatzen diren beste hainbat kasuren isla ere izan nahi du Nagore dokumentalak.

Emanaldiak antolatuz, eta La Manada bezalako kasuekin gertatu den moduan, hausnarketa eta elkarrizketak sorraraztea du helburu ekimenak. Hemen-ek uztailaren 7an eskainiko du lana, Donostiako Tabakalerako Kutxa Kultur-en. Solasaldia ere antolatu dute emankizun osterako.

Dokumentalaren kritika egin genuen Argian: Nagore Laffageren auzian, ikuslea epaile

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Zinema

Indarkeria matxista kanaletik interesatuko zaizu...
2019-01-22 | Aiaraldea.eus
Emakume bat larri zaurituta dago, Urduņan eraso matxista jasan eta gero

Urtarrilaren 15eko goizaldean izan zen erasoa. Ondorioz, leihotik bota zen emakumea, eta erietxean dago geroztik. Gizonezko erasotzailea atxilotu du Ertzaintzak, baina karguekin aske utzi dute. Ertzaintzak baieztatu duenez, "ez da istripua izan" eta indarkeria matxista egozten diote.


2019-01-22 | ARGIA
Emakume bati sexu abusuak egiteagatik, bigarren kartzela zigorra 'La Manada'-ko lauri

Pozoblancoko (Andaluzia) kasuagatik, fiskaltzak espetxe zigorra eskatu du Sanferminetako talde bortxaketan parte hartu zuten bost kideetatik laurentzako. Espainiako Ministerio Publikoaren idatziak argi adierazten du konorterik gabe zegoen emakume bati sexu abusuak egin zizikiotela.


Ez ukitu nire maskulinitatea!

Sexismoan, genero indarkerian, bullyingean gizonok dugun ardura fokupean jarri du iragarki batek (behean bideoa) eta gizon asko neurrigabe mindu, asaldatu eta amorratu dira. Youtuben boto negatibo izugarria du dagoeneko iragarkiak, produktua boikotatzera deitu dute eta barkamena eska dezala exijitu. Txikitatik jaso ditugun genero rol eta botere posizioa birpentsatzea baino erosoagoa da “denak ez gara gaiztoak” leloa errepikatzea.


2019-01-14 | ARGIA
Sexu erasoen kontrako mobilizazioak egin dituzte Barakaldo eta Basaurin

Eguberri egunean jazotako sexu erasoa salatu dute Barakaldon. Basaurin ostera, haurren aurkako sexu erasoak gaitzetsi dituzte.


Aitziber Baņuelos Ganuza: "Gero eta onartuagoa daukagu emakumeen kontrako biolentzia"

Indarkeria matxista eta haurren kontrako sexu indarkeriaren inguruko proiektuak koordinatzen ditu Aitziber Bañuelosek. Eraikiz kolektiboko kidea da eta elkarrizketa sakona oparitu digu bere ikuspegi kritiko eta eraikitzailearekin.


2019-01-08 | ARGIA
Adingabe bat bortxatzen saiatzeagatik, 24 urteko gizonezko bat atxilotu dute Donostian

Astelehen gauez jazo da erasoa. Emakumeak ihes egin eta laguntza eskatzea lortu du.


2019-01-08 | ARGIA
Bost eraso matxista jazo dira ostirala eta astelehena bitartean

Portugalete, Sestao, Donostia eta Lazkaon gertatu dira erasoak. Horrez gain, abenduaren 31n bere bikotekideari eraso egiteagatik, bosgarren kasu baten gaineko eginbideak ere abiatu dituzte.


2019-01-03 | ARGIA
Sanferminetako talde bortxatzailea ez espetxeratzea erabaki du Nafarroako Auzitegiak

Espainiako Auzitegi Gorenak kasuaren gaineko epai irmoa eman artean bost akusatuek baldintzapean aske jarraituko dute.


2019-01-03 | Iņigo Igartua
Bost gizon atxilotu eta adin txikiko bat identifikatu dituzte, indarkeria matxistagatik

Bilbo, Erandio, Soraluze, Gasteiz eta Durangon gertatu dira erasoak, asteartea eta asteazkena bitartean. Erasotzaileak 18 eta 49 urte arteko gizonezkoak dira.


2019-01-02 | ARGIA
Lau gizon atxilotu dituzte indarkeria matxistagatik

Bilbo, Erandio eta Soraluzen gertatu dira erasoak, asteartea eta asteazkena bitartean. Erasotzaileak 18 eta 36 urte arteko gizonezkoak dira.


Azkenak
EGILEA
Eguneraketa berriak daude