Euskal presoei elkartasuna adierazteko zenbait ekimen egin dituzte espetxeetan urte zahar gauean

  • 21:00etan su artifizialak leherrarazi dituzte Martuteneko, Zaballako, Basauriko eta Iruñeko espetxeetan. Donostian, gauerdian, bigarren gauez izan da Oñatiko jendea presoen aldeko oihuak egiten. Aurten Ertzaintzak ez die megafonia erabiltzen utzi.


2023ko urtarrilaren 02an - 12:13
Azken eguneraketa: 15:02
Su artifizialak Iruñeko espetxearen alboan eta ekintzaileak korrika.

2022ko abenduaren 31n Hego Euskal Herriko espetxeak elkartasunez girotu dituzte, su artifizialak leherraraziz Martutenen, Zaballan, Basaurin eta Iruñean. Urruntze politika oraindik indarrean dela salatu dute ere: hemeretzi preso daude Euskal Herritik kanpoko espetxeetan.

Bideo honetan jaso dute ekimena:

Martutenen, horrez gain, gauerdian sorpresa eraman dute presoek, bigarren urtez jarraian herritarrak urte berri on esatera eta animoak ematera joan zaizkienean. Batez ere Oñatiko jendea izan da –iaz auto bat, aurten bi–. Iaz megafonia bidez 23:30etatik 00:00etara elkartasuna sarrarazi zieten ziegetara. Zeresana eman zuen ekimena izan zen, baimenak izan arren, ertzain batek, bazihoazenean, autoaren leiho bat hautsi baitzien borra-kolpe batez.

Aurten Ertzaintzaren operatiboa zain zuten ekintzaileek, kaskoz eta armaz lekuan bertan jarrita. Megafonia erabiltzen edo adarra jotzen ez diete utzi. Halere, ordu erdiz –23:45etik 00:15era– oihuka aritu dira, presoen aldeko aldarriak eginez, eta preso politikoen izen-abizenekin animoak ematen.

 
Espetxe politika salatzeko, Sarek herri askotan mobilizazioak egin ditu urte azken egunarekin batera, tartean Martutene eta Basauriko espetxeetatik abiatutako martxak.

 


Kanal honetatik interesatuko zaizu: Euskal preso politikoak
Ezin dutenen alde, topa

Abenduaren 16tik 18rakoa ASTEBURUA izan du Euskal Herriak aurten, letra larriz, LABAko lagunek haien programazioaren kartelean iragarri zuten gisan. Gertakari historiko pare batekin zuen zita herritar arruntak: bueltan Hertzainak ostiral eta larunbatez BECen, eta Bertsolari... [+]


'Bi arnas' proiektuaren ziklo amaiera ospatu dute
"Torturak ama eta alabarengan sorturiko zauria arintzen lagundu du dokumentalak"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Eguneraketa berriak daude