Polizia berriz sartu da Bilboko Unamuno ikastetxera, eta zazpi ikasle identifikatu ditu
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Polizia berriz sartu da Bilboko Unamuno institutura, ikasle antolatuak jazartzeko eta haien jardun politikoa zapaltzeko. Bilboko Ikasle Abertzaleak (IA) antolakundeak jakinarazi duenez, aurreko ostiralean izan zen azken erasoa: institutuan salaketa-agerraldi bat egiten ari ziren ikasleak, baina berriz ere institutura sartu eta haien aurka oldartu zen Ertzaintza. Zazpi gazte identifikatu zituen.
IAko kideek azaldu dute ikasle bati isun bi heldu zaizkiola berriki, ikastetxean lan politikoa egiteagatik; eta, hain zuzen ere, hori salatzeko agerraldi bat egiten ari zirela ostiralean, ertzainek haien kontra jo zutenean. Gertakariak testuinguruan jarri dituzte: "Otsailaren 28an, Udaltzaingoa Unamunora sartu zen propaganda politikoa egiten ari ginen ikasleak identifikatzeko asmoz. Zuzendaritzak lehen unetik kolaboratu zuen Udaltzaingoarekin; Poliziari institutura sartzen utzi eta propaganda politikoa egiten ari zen ikasle baten datu pertsonalak eman zizkien udaltzainei".
Horren kontra, "Unamunoko ikasle asanbladatik irmoki erantzuteko beharra" ikusi zuten, eta protesta-ekintza bat egin zuten: Abandoko udaltzainen komisaria seinalatzeko pankarta bat zabaldu zuten, "indar polizialak heziguneetatik kanporatzeko deia zabalduz". Handik hilabete ingurura jaso ditu bi isun ikasle batek, Mozal Legea aplikatu baitiote aipatutako ekintzagatik.
Maiatzaren 9an, ikasleak gertakariak salatzeko agerraldi bat egiten ari zirenean, institutura bertaratu zen Ertzaintza, eta modu bortitzean oldartu zen gazteen aurka. "Inpunitate osoz, zazpi ikasle ohi atxiki eta identifikatu gaituzte, azalpenik eman gabe", gaitzetsi zuen IAk. Polizia horretan ari zen bitartean, ertzainen beste lau auto iritsi ziren ikastetxera; hamabi ertzain sartu ziren barrura, eta beste zazpik inguratu zuten institutua. Ikasleek agerraldirako prestatutako materiala erretiratu zuten poliziek.
"Ezin dugu hau guztia normalizatzen utzi, indar errepresiboek hezkuntzan ez baitaukate inolako lekurik", defendatu du ikasle-antolakundeak: "Zuzendaritzaren inpunitatearen eta errepresio polizialaren aurka, ikasleria langileari antolatzeko deia luzatzen diogu".
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]