Haurrak 8 edo 10 egun barru kalera atera daitezen plan bat lantzen ari da Kataluniako Generalitatea
Kataluniako Generalitatea plan bat prestatzen ari da adingabeak gehienez zortzi edo hamar eguneko epean kalera irten ahal izateko, kasuek beheranzko joerari jarraitzen badiote, Rac1ek aurreratu duenez.
Kataluniako Gobernua umeak kalera ateratzen hasteko plan bat prestatzen ari da. Osasun Saila, Herrizaingo Saila eta Gizarte eta Familia Saila elkarlanean lantzen ari dira plana. Baldintza nagusiak nolakoak izango diren aurreratu du Rac1 irratiak. Denbora jakin batez eta eguneko ordu jakin batzuetan egingo lirateke irteerak, pertsonekiko bi metroko gutxieneko segurtasun-distantziari eutsiz, eta haurrek hiru urtetik aurrera maskara eraman beharko lukete.
ADA Colau Bartzelonako alkateak asteartean adierazi zuen "premiazkoa" dela haurrak "etxetik atera ahal izatea, minutu batzuk bada ere".
