Haserrea Gurutzetako ospitalean, Joint Commission-en auditoriaren astean
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Gurutzetako (Barakaldo, Bizkaia) ospitaleko osasun-langileen artean, haserrea da nagusi. Izan ere, AEBko Joint Commision auditoria izango da Bizkaiko osasun-zentroan aste honetan zehar, eta bisita hori dela-eta, Osakidetzak hainbat lan eta neurri jarri ditu martxan ospitalean, ikuskaritza-entitate estatubatuarraren aurrean itxurak egin ahal izateko. Gutxienez 106.843 euro gastatu ditu, bere estandarren araberako akreditazioa ematen duen auditoria horri begira, antzerkia egin ahal izateko.
Esate baterako, obra batzuk egin dituzte Gurutzetako itxaron-geletan eta beste gune ikusgarri batzuetan, baina ez lan-eremuetan eta langileen atseden-guneetan, beharginetako batzuek kazeta honi azaldu diotenez. Farmakoen administrazio-sistema ere aldatu du Osakidetzak, kanpoko eredu bat bere eginez eta, zerbitzu batzuetan (larrialdietan kasu), pazienteen arreta geldotuz.
Horretaz gain, Joint Commission-en bisita dela-eta egindako egokitzapenen barruan, jardute-pauta batzuk ezarri dituzte Osakidetzako zuzendaritzatik: AEBko auditoriako ebaluatzaileen galderei nola erantzun esan die langileei, akreditazioa lortzeko asmoz. "Horrek presioa eragiten du langileongan, ondo ez erantzutearen ondorioak jasateko beldurrez", diote. Gainera, behargin batzuek diotenez, errefortzu modura aritzen diren osasun-langile ez-finkoei oporrak eman dizkiete egun hauetan, atzerriko ebaluatzaileak bertan diren bitartean, egon ez daitezen.
Osasun-langileek haserre adierazi dute "lotsagarria" dela, "osasun-krisiaren egoera honetan", "Osakidetza zuzentzen duten burokratek baliabideak halako antzerki baterako baliatzea". Gogor kritikatu dute zuzendaritzak 100.000 euro baino gehiago erabili izana Joint Commission-en aurrean plantak egiteko; bitartean, "bai pazienteek bai langileok itxaron-zerrenda amaigabeak bizi ditugunean anbulategi zein ospitalean", "larrialdi-zerbitzuak gainezka" daudenean, "lan-baldintzak okerragotzen" ari direnean, eta abar.
"Neurri horiek ez dituzte paziente edo langileon mesederako hartu, baizik eta aurpegi zuriketarako balioko dien akreditazioa lortzeko", jakinarazi diote hainbat langilek Gedar langile kazetari: "Ez dirudi Osakidetzaren asmoa benetako kalitatezko arreta bermatzea denik, ez eta langileon lan-baldintzak hobetzea ere".
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
Barakaldoko ospitaleko larrialdi zerbitzuan sufritzen ari diren "saturazioa larria" dela ohartarazi du sindikatuak. Pazienteak korridoreetan artatu dituztela eta krisia kudeatzeko "behar adina langile" ez dagoela salatu du. Errealitate horren aurrean... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
Bizilagunek "egia eta politika" merezi dutela adierazi dute, oraindik konponbiderik bilatu ez zaizkien arazo ugari edukitzen jarraitzen baitute. Ikasketei eta osasun arretari loturiko arazoak nabarmendu dituzte.