Harremanak hobetzeko deia egin die Txinak AEBei
Txinako presidente Xi Jinpingek bi herrialdeen arteko harremana hobetzeko eskatu dio Donald Trump AEBetako presidenteari. Bi herrialdeen arteko harremanak "puntu garrantzitsu" batean daudela esan dio Jinpingek, eta elkarrekin lan egiteko deia egin dio.
aurre egingo dieten hedabide independenteak
"Elkarrekin lan eginez gero bioi ekarriko dizkigu onurak, borrokatzeak bioi galerak. Elkarlana da aukera bakarra", esan dio Xi Jinpingek Trumpi, eta gehitu du AEBek "benetako ekintzak" egitea espero duela.
Adierazpen horiek Txinak atzerritarrei bere mugak itxiko dizkiela argitaratu ostean heldu dira. Horrez gain, AEBetako presidenteak koronabirusari "txinatar birusa" deitzen jarraitzen du, pandemiaren errua beraiei egotziz. Horri erantzunez Txinako zenbait diplomatuk birus hori AEBetako laboratorioetan sortu izana leporatu diote.
Harremanak hobetzeko bidean
Donald Trump pozik agertu da XI Jinpingekin izandako telefono deiaren ostean. "Errespetua" erakutsi dio, eta elkarrekin lanean dabiltzala adierazi du Twitter bidez.
Just finished a very good conversation with President Xi of China. Discussed in great detail the CoronaVirus that is ravaging large parts of our Planet. China has been through much & has developed a strong understanding of the Virus. We are working closely together. Much respect!
— Donald J. Trump (@realDonaldTrump) March 27, 2020
