Estatuaren Abokatuak aurkeztu du salaketa Gasteizko epaitegian, Guardia Zibilak eginiko txosten bati erreferentzia eginez. Hortaz gain, beste 1.500 euroko isuna ezarri dio epaileak.
2008an ezarritako sententzia betetzeko agindua luzatu dio Gasteizko Administrazioarekiko Auzitegiko Manuel Castro Calvo epaileak Natxo Urkixori, hainbat hedabidek jakinarazi dutenez.
Espainiako bandera “udaletxeko lehentasunezko toki batean” jartzea eskatzen zuen sententzia horrek. Hori dela eta, udaletxeko baloian jarri zuen udalak bandera, baina horrekin nahikoa ez dela uste du epaileak, toki berean beste hainbat bandera daudelako -udalerrian bizi diren beste jatorri batzuetako auzokideen herrialdeetakoak-. Hori dela eta, 10 eguneko epea eman dio epaileak Laudioko alkateari “2008ko sententzia osorik betetzeko” eta gogorarazi dio sententzia betetzen ez badu “desobedientzia delitua” egotzi ahalko lioketela.
1.500 euroko isuna
Estatuaren Abokatuak aurkeztu du salaketa Gasteizko epaitegian, Guardia Zibilak eginiko txosten bat baliatuta. Epaileak bat egin du salaketaren argudioekin, eta 1.500 euroko isuna ezarri dio alkateari. Ez da Urkixok afera horregatik jasotzen duen lehen isuna, duela bi urte kopuru bereko beste bat jaso baitzuen.
Artikulu hau Aiaraldea.eus-ek argitaratu du eta Creative Commons lizentziari esker ekarri dugu.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]