Hamabost urtetik gorako leitzar guztiek PCR proba egin beharko dute

  • Pertsonen mugikortasuna murrizteko neurriak ez hartzea erabaki badute ere, taberna eta jatetxe, haurren jolas-toki eta leku publikoetako edukiera jeistea erabaki dute Leitzan, baita 2.500 lagun ingururi PCR proba egitea ere.

Leitza. Argazkia: Wikimedia Commons

2020ko irailaren 04an - 09:21

Nafarroako Osasun Departamentuak, Leitzako Udalarekin adostuta, bertako hamabost urtetik gorako bizilagun guztiei PCR probak egitea erabaki du astebururako, 2.500 pertsona ingururi, alegia.

Udalak jakinarazi duenez, COVID-19 kasuek gorakada nabarmena izan dute herrian, adin eta ezaugarri askotariko bizilagunen artean. Hori dela eta, Foru Agindu bat onartu du Gobernuak, neurri zorrotzagoak ezartze aldera.

Agindua larunbatean bertan argitaratuko dute Nafarroako Aldizkari Ofizialean, eta pertsonen mugikortasunarekin lotutako neurririk hartuko ez dutela badiote ere, taberna, jatetxe, haurren jolas-toki eta leku publikoetako edukiera murriztuko dute.

Hori ez ezik, elkarte gastronomikoak itxiko dituzte, eta lagun edo familiarteko hitzorduetan jende gutxiago bildu ahal izango da. Neurri horiek hamabost egunetarako izango dira, baina denbora tarte horretan “aldaketak” egon daitezkeela azaldu dute, unean uneko osasun egoeraren arabera.

Abuztuaren 22az geroztik, 35 COVID-19 kasu atzeman dituzte Leitzan, hiru fokutan banatuta. Ostegun honetan izan dute horietako baten berri.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude