Hamabost urte beharko dira Gazako genozidioan Israelek sortutako 40 milioi tona hondakin jasotzeko
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.
Palestinar errefuxiatuentzako UNRWA agentziak egindako ikerketa batean ondorioztatu dute Gazako Zerrendan sortutako hondakinak jasotzeko hamabost urte beharko direla. Hondakinak biltzeko besterik ez, berreraikitzeko beharko litzatekeen denbora kontuan hartu gabe. UNRWAk astelehenean jakinarazi du, NBEren Ingurumen Programaren ikerketa bat aipatuta, 40 milioi tona hondakin mugitu beharko liratekeela.
Israelgo bonbardaketetan sortutako hondakinek heriotza mehatxua dakarte Gazako biztanleentzat, UNRWAren arabera, barruan “lehertu gabeko artilleria eta substantzia toxiko eta kaltegarriak” daudelako. Amianto ugari dago Gazako eraikinen hondarretan, Ingurumen agentziak ohartarazi duenez. Bestalde, milaka palestinarren gorpuak daude eraitsitako etxeen azpian, identifikatu eta hildakoen zerrenda ofizialetan sartu gabe daudenak oraindik.
Alderaketa egiteko, 2014an Gazan egindako oldarraldian, Israelgo bonbek sortutako 2.4 milioi tona hondakin jaso behar izan ziren ondorenera. Azken bederatzi hilabeteetan 40 milioi tona hondakineko estimazioa egin dute. Nazio Batuen Ingurumen Programaren kalkuluen arabera, 2008tik Gazan egondako bonbardaketa guztiak batuta baino hamahiru aldiz hondakin gehiago sortu da urrian abiatutako genozidioan. 50.000 bonba jaurti ditu Israelek, eta 2.000 eta 3.000 artean lehertu gabe daude, Gazan zehar barreiatuta.
Hondakinak jasotzeko lanek 500 milioi dolarreko kostua izango luketela ebatzi dute. Gaza berreraikitzeko kostua ere izugarria da. Estimazio batzuen arabera 40 eta 50 mila milioi dolar artean beharko lirateke, gutxienez. Gazako etxeak berreraikitzeak 2040. urtera arte iraun lezakeela ondorioztatu zuen NBEak maiatzean, azken bi hilabeteetako suntsiketa kontuan hartu gabe.
Genozidioaren datuak
38.713 pertsona hil ditu armada sionistak 285 egun daramatzan genozidioan. Egunero 136 palestinar hil dituzte Gazan, hondakinen artean harrapatuta dauden 10.000tik gora pertsona zenbatu gabe. 15.000 haur baino gehiago hil dituzte, eta 89.166 pertsona zauritu, azken datuen arabera. Gazako biztanleen %6a baino gehiago hil edo zauritu dute sionistek, gutxienez.
Zisjordanian 576 pertsona hil ditu gutxienez Israelek, 140 haur horien artean, eta 5.300dik gora zauritu. Gazako genozidioa baliatuta asko igo dute Zisjordanian eragiten duten presioa ere. Azken datuek diote 9.700 pertsona bahitu dituela Israelgo armadak ekialdeko lurralde okupatuetan, eta ehunka etxe eraitsi dituzte, palestinarrenak izate hutsagatik. Gainera, kolonia berriak ezartzea eta kolonoentzako 5.000 etxe berri baino gehiago eraikitzea onartu du Israelgo Gobernuak azken asteetan.
NBEren, Munduko Osasun Erakundearen eta Palestinako agintarien datuen arabera, Gazako azpiegitura eta oinarrizko zerbitzuak zeharo suntsituta gelditu dira, biztanleek bizitzeko behar dituzten gutxienekoak ezin bermatuta. Gazako etxeen erdia baino gehiago eraitsi dituzte sionisten bonbek, eta eskolen %88a. Merkataritza guneen %80a bonbardatu dute, eta erlijioarekin lotutako 267 kokapen suntsitu dituzte. Ospitaleen gehiengoa ere jo puntuan izan du Israelgo armadak, eta kale eta errepideen %65a suntsitua dago, erabili ezinda. Ur hornidurak ere gogor kolpatu dituzte, edateko eta garbiketarako ura eskuraezin utziz askotan. Berariaz egindako genozidioa dela salatu dute milaka eragilek mundu mailan, “Gazan bizitzea ezinezko bilakatu nahi dutenen obra”.
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]
Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
Israelgo Defentsa ministro Israel Katzek eman du asmoaren berri, eta adierazi du Gaza hegoaldean eraiki nahi duten "eremu humanitario" berri horrek hasiera batean 600.000 palestinar inguru hartuko lituzkeela; kontzentrazio esparru gisa funtzionatuko luke. Gaza... [+]
Hamasek jakinarazi du Palestinako erresistentziako beste taldeekin hitz egin duela AEBek, Egiptok eta Qatarrek proposaturiko meniaz, eta "pozik" hartu dutela. 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar askatzea,... [+]
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
AEBetako presidenteak adierazi du orain Hamasen erantzunaren zain daudela: "Ez badute onartzen, egoerak okerrera egingo du". 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar itzultzea, eta beste hamabosten gorpuak ere... [+]
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
"Gazako Fundazio Humanitarioak" banatutako janarian oxikodona aurkitu dute.