Burujabetzen arteko gurutzaketak landu dituzten hiru mahai-inguruak

  • Maiatzaren 26an ekonomia sozial eraldatzailearen Olatukoop sareak Mundu Berri Bat jardunaldiak egingo ditu internetez (hemen ikusentzun ahal izango dira). Hiru mahai-ingurutan burujabetzak landuko dituzte: "Azkenaldian burujabetzen bidean proiektu eta ekimen ugari sortzen ari direla ikusita, burujabetza ezberdinen arteko intersekzio edo gurutzaketak arakatu nahi ditugu", azaldu du Olatukoopek.


2021eko maiatzaren 25an - 07:20
Lehen mahai-inguruko hizlariak: Oihana Lorea, Mirene Begiristain eta Gorka Julio.

Olatukoopek adierazi du "burujabetzen aldeko estrategiak gurutzatuak izan behar dutela", aldaketa sistemikoak eragiteko. Horregatik, bizitza garatzen den hiru esferatan banatu dituzte maiatzaren 26an egingo dituzten jardunaldien mahai-inguruak: Baliabideak sortzeko prozesuak batetik (elikadura, energia, tekonologia sistemak besteak beste); prozesu horietan garatzen diren harremanak bestetik (produktiboak zein erreproduktiboak) eta harreman zein baliabideak sortzen diren espazioak eta horien antolaketa azkenik.

Hona hemen mahai-inguruen bideoak:

Bederatzi adituk parte hartuko duten hiru mahai-inguruak

10:00etan ongi-etorria eta sarrera orokorra egingo du Beñat Irasuegik

10:15-11:45 Bizigaiak. Baliabideak sortzen ditugu, baliabideek sortzen gaituzte mahai-ingurua: Mirene Begiristain, Oihana Lorea, Gorka Julio

12:00-13:30 Bizikidetzak. Harremanak sortzen ditugu, harremanek sortzen gaituzte mahai-ingurua: Enara Iruretagoiena, Marina Sagastizabal eta Araitz Rodriguez

15:30-17:00 Bizilekuak. Espazioak sortzen ditugu, espazioek sortzen gaituzte mahai-ingurua: Beñat Etxebeste, Iñaki Etxebeste eta Ana Almandoz

 


Kanal honetatik interesatuko zaizu: Olatukoop
Olatukoopek Saretze Eguna egingo du Gasteizen, ekonomia eraldatzaileko eragileen artean harremanak josteko

Olatukoopeko kideak Montehermoso kulturunean bilduko dira larunbatean, Saretze Egunean. Gasteizen eta Araban ekonomia eraldatzailera hurbildu nahi duten eragileekin "harremanak jostea" izango da helburua.


Kataluniako eta Euskal Herriko esperientzia kooperatiboak partekatuko dituzte Arantzazun

Koopfabrikak antolatuta, Lurraldeak eta kooperatibak. Katalunia eta Euskal Herriko esperientziak jardunaldia egingo dute otsailaren 18an Oñatin, Arantzazun.


2021-10-20 | ARGIA
"Mundu berri bat EH-tik" jardunaldiak

Urriaren 21ean, Oreretan Mundu Berri bat Euskal Herritik Jardunaldia burutuko du Olatukoopek. Euskal Herrian zehar sortzen ari diren tokiko ekosistema eraldatzaileak izango dira protagonista: bakoitza bere lurraldeko errealitate eta beharretara dago egokitua, baina denek... [+]


2021-10-20 | ARGIA
Ekonomia sozial eraldatzaileko proiektu bat martxan jarri nahian bazabiltza: Koopfabrika

Gizartea hobetuko duen proiekturen bat martxan jarri nahian ari denak, samurrago eta gozagarriago egingo du bidea besteen esperientziaz lagunduta eta taldearen babesean. Horretarako, zabalik du Koopfabrikan izena emateko epea: bi formazio aldi daude aukeran, lehena, azaron eta... [+]


2021-08-02 | Gorka Julio
Finantza burujabetza
Funts mankomunatu baten sorrera mutualista

Gorka Julio, zerbitzu finantzario etikoak eta solidarioak eskaintzen dituen Koop57 EH-ko kide da. Baita Talaios kooperatibako eta Olatukoop ekonomia sozial eraldatzailearen sareko kidea ere. Olatukoopek funts mankomunatua sortu du Koop57ren laguntzaz, Olatukoopeko kide diren... [+]


Eguneraketa berriak daude