Kataluniako eta Euskal Herriko esperientzia kooperatiboak partekatuko dituzte Arantzazun
Koopfabrikak antolatuta, Lurraldeak eta kooperatibak. Katalunia eta Euskal Herriko esperientziak jardunaldia egingo dute otsailaren 18an Oñatin, Arantzazun.
Euskal Herriko eta Kataluniako esperientzia eta proiektu kooperatiboak ezagutzeko parada izango da datorren ostiralean Arantzazun, Gandiaga Topagunean, Koopfabrika ekintzailetasun sozialean trebatzeko programaren baitan. Besteak beste, Josep Vidal i Fabrega Kataluniako Generalitateko ekonomia sozialeko zuzendari orokorra izango da bertan hitz egiten.
Katalunian politika publikoekin egiten ari diren esperientzia berritzaileen berri izango dute jardunaldian parte hartuko duten ekintzaileek, eta Euskal Herrian halako eredu propioak nola sustatu hausnartzeko tartea ere hartuko dute.
Izaro Elorza Oñatiko alkatearen ongi etorriaren ondoren, autoeraketan eta bestelako proiektu kooperatibotan ari diren hainbat adituren hitzak ere entzungo dituzte, tartean Jon Sarasua HUHEZIko irakaslearenak. Horrez gain Kataluniako Ateneu Cooperatiu-etako kideak izango dira euren esperientziaren berri ematen.
Ateneo kooperatiboak eredu
Kataluniako ateneo kooperatiboak herrialde hartako hainbat tokitan hedatu dira Generalitateak lagundutako Aracoop programaren bidez. Bartzelonan, Lleidan, Gironan, Tarragonan, Pirinioetan... Oraingoz 14 ateneo sortu dituzte eta 120 proiektu sozial barnebiltzen dituzte.
Ateneoak ekonomia eraldatzaileko espazio gisa egituraturik daude eta euren artean sare bat osatu dute, kooperatibak sortu nahi dituztenei formakuntza, informazioa eta aholkularitza eskaintzeko.
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]