Gutxienez 51 hildako eta 268 zauritu Kairon
Yon Kippurreko gerraren 40. urteurreneko manifestazioetan, istiluak izan ziren igandean Egipton. Mohamed Morsi presidente kargugabetuaren aldekoen eta segurtasun indarren arteko liskarrek 51 hildako eta 268 zauritu eragin dituzte oraingoz.
Kairon eta Gizan izan ziren istilu handienak eta 423 lagun atxilotu zituzten. Hiriburuan, Legitimitatearen Aldeko Aliantza Nazionalaren jarraitzaileek (Morsiren aldekoek) Tahrir eta Rabaa al Adaeiya plazara gerturatu nahi izan zuten, baina segurtasun indarrek ez zieten utzi eta gas negar-eragileak jaurti zizkieten. Tiroak ere izan ziren eta Aliantzaren jarraitzaileek salatu dutenez, kideetako hamaika segurtasun indarrek hil zituzten.
Gizan, Manial auzunea izan zen gatazkatsuena eta bi polizia-auto erre zituzten. Delga, Beni Suef, Al Mahalla, Alexandria, Ismailia, Aswan eta Suez hirietan ere izan ziren iskanbilak, baina oraindik ez dago hildakoen kopuru zehatzik.
Anaia Musulmanek "erailketa" horien nazioarteko ikerketa eskatu dute eta Abdel Fatah al Sisi Armadako buruari eta Mohamed Ibrahim Barne ministroari leporatu diote "ardura politiko eta penala, erabilitako biolentziagatik".
Egiptoko egoeraz erreportaje sakona idatzi zuen Argian Andoni Lubaki kazetariak: Jainkoak eta arkeologoek dakite egia.
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
New Yorkeko Unibertsitateko ikerlari talde batek esperimentu bat egin berri du, Gizako esfingearen materialak eta eraiki zuten garaiko baldintza klimatikoak imitatuz.
Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]
Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez... [+]
Kairo, 1250eko maiatzaren 2a. Shajar Al-Durr Egiptoko sultan izendatu zuten. Ez zen emakumezko lehen sultana izan; urte batzuk lehenago, 1236an, Raziak Delhiko sultan kargua hartu zuen. Baina esklabo izatetik agintari gorena izatea lortu zuen lehena izan zen.