Gazan garbiketa etnikoa egiteko plana baztertu behar izan du Bidenek
Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez gurutza dezaten", adierazi zuten urriaren 11n. Astelehen honetan plana bertan behera geratu dela adierazi du.
aurre egingo dieten hedabide independenteak
Urriaren 12an AEBetako Segurtasun Nazionalerako Batzordeko bozeramaileak plan hori baieztatu egin zuen. Besteren artean esan zuen: "Gazako zibilentzako korridore segurua lortzeko aktiboki ari da lanean Etxe Zuria".
Plan honen jatorria sionista erradikalek Israelgo gobernuan garatutako plan bat da, filtratu zenez.
.jpg)
Egipto hasieratik asmo horien aurka agertu zen. Egiptoren ikuspuntutik, irtenbide humanitarioa litzateke. Baina arazo estrategiko larria sortuko lioke, Moon of Alabamah blogean aztertu dutenez. Hamasek eta beste eragile batzuek Israelen aurka egiten jarraituko lukete, baina Egipto bihurtuko litzateke erantzule, bere lurraldetik antolatuko bailirateke erasoak.
Hala ere, Etxe Zuriak aurrera jarraitu zuen bere planarekin. AEBetako Kongresuak 106.000.000 milioi dolar eskatu zituen Ukrainako eta Gazako gerrak finantzatzeko (datua 40. orrian). Honela dio txostenak hitzez hitz: "Baliabide hauek desplazatuak eta gatazkak kaltetutako zibilak babestuko lituzkete, baita Gazako eta Zisjordaniako errefuxiatu palestinarrak ere, eta inguruko herrialdeetara ihes egiten duten Gazako herritarren balizko beharrei aurre egingo liekete".
Errusiak zentzugabekeriatzat jo zituen asmo hauek. "Argi dago ikuspuntu hori erabat negargarria dela, Gazako Zerrenda suntsitzen badute, bi milioi biztanle kanporatzen badituzte, Israelgo eta nazioarteko zenbait politikari iradokitzen ari diren bezala, horrek hamarkada asko iraungo lituzkeen hondamendia sortuko bailuke, mendeak ez esatearren", adierazi zuen Sergei Lavrovek urriaren 28an.
Errusiaren babesarekin, egiptoarrek planaren kontra jarraitu zuten, harik eta igandean telefono dei batek plana lurperatu zuen arte. Egiptoko presidente Abdel Fatah al-Sisik bere uko irmoa adierazi zuen "palestinar herria kolektiboki zigortu eta desplazatuko luketen politiken aurka".
Azkenik, Bidenek jendaurrean adierazi behar izan du Gazan garbiketa etnikoa egiteko zituen planak bertan behera utzi dituela. Ondorengoa idatzi du sare sozialetan: "Abdel Fattah Al-Sisi presidentearekin ere hitz egin dut Egiptok Gazari laguntza humanitarioa ematea errazteko adierazi izana berari estimatzeko. Elkarlanerako konpromisoa berretsi dugu, eta hitz egin dugu zein garrantzitsua den zibilen bizitzak babestea, nazioarteko zuzenbide humanitarioa errespetatzea eta Gazako palestinarrak Egiptora edo beste nazioren batera ez lekualdatzea".
Ohar bateratua argitaratu dute Hamasek, Jihad Islamikoak eta Palestinaren Askapenerako Herri Fronteak. Ñabardurak egin dizkiote itxurazko bake-planari: ez daude ados "nazioarteko tutoretza" edo Gazarako aipatzen den "aldi baterako kanpo-administrazioa"... [+]
Hasi da bahituen trukea Palestinan eta Israelen. AEBetako presidentea heroi baten moduan hartuko dute astelehen eguerdian Tel Aviven, eta Egipton goi-bilera egingo da gero, "Gazaren etorkizunaz gogoetatzeko". Bien bitartean, laguntza humanitarioa indartu bada ere,... [+]
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]
Donald Trumpek ostegun goizaldean iragarri zuen Hamas eta Israelen arteko akordioa eta ostiral goizaldean berretsi du Israelgo Gobernuak. Oraindik, alabaina, ostiral goizean Gazan Israelgo okupazio armadaren erasoak gertatzen ari ziren, besteak beste Khan Younis hirian.
Hamasek 48 bahitu askatuko ditu astelehenerako, eta Israelek 2.000 preso. Ostegun honetan dute izenpetzekoa lehen faseari buruzko akordioa; bigarren faseari buruzkoaz, ordea, ezjakintasun eta hauskortasun handiagoa nabaria da.
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Astelehen gauerdian iritsi ziren Bilboko aireportura Mikel Zuloaga ‘Mikelon’, Jotas Osés, Itziar Moreno eta Abdel Karim el Khamlichi Global Sumud Flotillako euskal aktibistak, Israelgo Kiotz espetxean lau egun eta itsasoan hilabete eman ondoren. Astearte gauean... [+]
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
2023ko urriaren 7an, Hamasen erasoaren ostean, palestinar herriaren kontrako genozidioari hasiera eman zion Israelgo Estatuak. Trumpen planaren negoziaketa betean, beldurgarriak dira bi urteotako sarraskiaren zifrak.
Ordezkariak Egiptoko Sharm el-Sheikh hirian bilduko dira, Sinai penintsulan, Trumpen lehen fasearen "mekanismoak eta xehetasunak" aztertzeko. Bien bitartean, bonbardaketek hildakoen kopurua handitzen jarraitzen dute; azken 24 orduetan beste 65 palestinar hil ditu... [+]
