Egiptok eta Libiak bat egin dute Hegoafrikaren genozidio salaketarekin
Egiptok Camp David-eko akordioa haustearekin mehatxatu du Israel, Rafah-ko operazioarekin aurrera egiten badu. Hegoafrikak Nazioarteko Justizia Auzitegiari eskatu dio agindu dezala Israel Rafah-tik ateratzeko.
aurre egingo dieten hedabide independenteak
Aurretik Kolonbia, Turkia eta Nikaraguak egin bezala, Egipto eta Libiak ere eskaera egin dute Nazioarteko Justizia Auzitegian Israelen aurkako genozidio salaketarekin bat egiteko. Bereziki esanguratsua da Israelen mugakidea den Egiptoren kasua. Alde batetik, 1979tik bake akordioa duelako sinatua estatu sionistarekin eta, bestetik, bitartekari garrantzitsua izan delako azken hilabeteetan Hamas eta sionisten arteko su-eten negoziaketetan.
Egipto izan zen Israelgo Estatua aitortu zuen lehen herrialde arabiarra, Camp Davideko akordioetan. Alon Liel Israelgo Atzerri Ministerioko zuzendari ohiak Al Jazeerari esan dio hitzarmen hura izan zela euskarria eta abiapuntua Israelek ondoren normalizatu dituen harreman guztietarako, izan Jordaniarekin, Arabiar Emirerri Batuekin edo Marokorekin, besteak beste. Horregatik, Liel diplomazialari ohiak adierazi duenez, Egiptoren erabakia Israelentzat “kolpe sinestezina” izan da.
Egipto da Gazarekin muga daukan herrialde bakarra, estatu sionistaz gain. Bereziki garrantzitsua izan da Gaza eta Egipto arteko igarobidea, bertatik sartu delako Israelek pasatzen utzi duen laguntza humanitario urria. Baina sionistek mugako igarobidearen kontrol operatiboa hartu izanak gehiago tenkatu du Israel eta Egiptoren arteko harremana, aspalditik zituzten hitzarmenak eta nazioarteko akordioak urratu baititu Israelek ekintza horrekin. Egiptoko Gobernuak Camp Davideko hitzarmena bertan behera uzteko mehatxua ere egin du azken astean, sionistek Rafah-ko sarraskia eteten ez badute eta ez badituzte su-eten negoziaketak “arduraz berrartzen”.
Behin-behineko neurrien eskaera Nazioarteko Justizia Auzitegiari
Hegoafrikak premiazko eskaera egin dio Nazioarteko Justizia Auzitegiari, behin-behineko neurri gehigarriak hartu ditzan Israelen aurka, martxan dagoen genozidio salaketaren barruan. Auzitegiak sionistei Rafah-tik erretiratzeko agindu diezaien nahi du Hegoafrikak, azken erasoen harira aurkeztu duen eskaeran. Epaiketa abiatu zenean NJAk uko egin zion agindu hori emateari, eta Israeli soilik eskatu zion saihestu zezala genozidioaren aurkako hitzarmenean sartu zitekeen edozein ekintza egitea. Orain, auzitegiak ebatzi beharko du ea behin-behinean Rafah-tik ateratzeko agintzen dion estatu sionistari.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Israelek 33 palestinar hil ditu Gazan igandetik astelehenera bitartean, horietatik sei janari bila zihoazela. Israelgo armadak jakinarazi du Gazan bahituta zituzten hiru israeldarren gorpuak berreskuratu dituela. Bestetik, Mahmud Khali AEBetako Columbia Unibertsitateko ikaslea... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.