Gaza eta Egipto arteko muga osoa militarki hartu dute jadanik sionistek
Rafahtik gertu dagoen muga-lerroa osorik kontrolatzen dute, antza. Lau bahitu askatzearen aitzakiapean, ia 300 palestinar erail dituzte sionistek Nuseiraten. Azken zortzi hilabeteetan, ia 37.000 palestinar hil dituzte jada.
aurre egingo dieten hedabide independenteak
14 kilometro ditu Gazako Zerrenda eta Egipto bereizten dituen muga-lerroak, eta hura indarrez hartu nahi izan du Israelgo Estatu sionistak, joan den hilabetean bertan hamaika aldiz errepikatu duenez. Agintaritza sionistek maiatzean esan zuten 2025era arte luzatuko dutela erasoaldia Gazan, eta Egiptorengandik bereizten duen muga (Filadelfiako korridorea) "itxi" nahi zutela.
Badirudi helburu hori lortu dutela, azken egunetan jakinarazi baitute osorik hartu dutela jadanik, itsasertzeko azken gune bat okupatuta. Aurreko astean zioten iturri sionistek muga-lerro osoaren gaineko "kontrol operatiboa" zutela, kostalde ondoko zati batean izan ezik.
Filadelfiako korridorea osorik okupatzeko, estatu sionistak aitzakiatzat hartu du "armen kontrabandoari" aurre egitea. Izan ere, ulertzera eman du "Hamasen tunelak" daudela inguru horretan, eta muga-bide hori erabili izan duela "armak estraperloan sartzeko".
Bahituak, erailketa masiboetarako aitzakia
Aipatutako mugatik gertu dago Rafah, Zerrendaren hegoaldean. Israelgo Estatu genozidak maiatzaren hasieran ekin zion bertan lurreko erasoaldiari, eta hainbatetan bonbardatu ditu bertako errefuxiatu-guneak, beste ehunka palestinar erailez eta zaurituz.
Horretaz gain, beste hainbat eraso egin dituzte sionistek azken egunetan. Gaza hiritik hurbil dagoen Shati errefuxiatu-eremuan eraso diote UNRWAren ikastetxeti bati, gutxienez hiru pertsona erailez; eta, bestalde, eraso handi bat egin dute Nuseiraten, Zerrendaren erdialdean, "lau bahitu askatzea" aitzakiatzat erabilita. Gutxienez 274 palestinar hil eta 700 inguru zauritu dituzte operazio horretan, eta, besteak beste, Al-Aqsa ospitalearen kontra jo dute.
Zenbait iturriren arabera, operazioan parte hartu dute Amerikako Estatu Batuek, haiek eraikitako portutatik sartu omen direlako eremura militar sionistak. Itxura denez, laguntza humanitarioko kidez mozorrotuta sartu dira Zerrendako zonalde horretara "unitate berezi" sionistak.
Sionistek behin eta berriz erabiltzen dute aitzakia modura "Hamasek bahitutako pertsonak askatzea", Palestinako lurretan operazio kriminalak egiteko. Baina Nuseiraten egindako azken esku-hartzean, esaterako, badirudi bi bahitu hil dituela ehunka palestinarrez gain. Eta ez da aurreneko aldia: apirilean, adibidez, gutxienez lau "bahitu israeldar" hil zituzten Israelgo Estatuko indarrek Khan Younis inguruan egindako operazio batean, aire eraso batean.
Ia 37.000 eraildako
Aurreko astean, 250 palestinar baino gehiago erail eta 750 zauritu zituzten sionistek Gazako Zerrendan. Oraintsu bete dira zortzi hilabete urriaren 7tik, alegia, Israelgo Estatu terroristak oldarraldi masiboari ekin zionetik. Denbora honetan, ia 37.000 palestinar hil ditu Gazan, eta 83.000 lagun baino gehiago zauritu ditu.
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]