Guggenheimeko garbitzaileek lortu dute soldataren %20ko igoera

  • Bederatzi hilabete greban pasatu ostean, akordioa itxi dute Ferrovial azpikontratarekin: soldata gordina 23.500 eurotik gorakoa izango dute eta lanaldi partzialak lanaldi oso izango dira.


2022ko martxoaren 21an - 16:32
Bederatzi hilabeteren ostean lorpenak ospatu dituzte. / Argazkia: ELA.

Esperotakoa baino gehiago luzatu da Bilboko Guggenheim museoko garbitzaileen greba: ekainaren 11n hasi zuten lanuztea, eta martxoaren 23an itzuliko dira lanera, baina baldintza hobeekin. Ferrovial enpresa azpikontratarekin hitzamen bat lortu dute, eskatzen zituzten helburuetara hurbiltzen dena. Hain zuzen, %20 altuagoa izango da museoko langileen soldata, eta lanaldi partziala ezabatzea lortu dute; aurrerantzean lanaldi osoak izango dituzte denek.

ELA sindikatuak zoriondu egin ditu langileak, eta azpimarratu du lorpena baliagarria izango dela garbitasun sektoreko gainerakoen baldintzak hobetzeko. Guggenheimeko hamahiru garbitzaile zeuden greban (ia denak emakumeak), eta, besteak beste, soldata arrakala baztertzeko exijitzen zuten. Sektore feminizatua izanik, kale garbitzaileekiko soldata arrakala salatzen zuten. Bada, arrakala ezabatu ez baina murriztea lortu dute: lehen baino 3.400 euro gehiago irabaziko dituzte urtean, eta 2024rako helduko dira soldata gordina 23.500 eurotik gorakoa izatera.

Museoaren aurrean elkartu dira langileak, eta hilabetetan protestarako baliatu duten tokian orain ospakizunerako bildu dira. Halaber, garbitzaileen borrokaren testigua Bizkaiko Epaitegietako grebalariei eman diete.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude