Grebaren eta langile borrokaren balioak aldarrikatu dituzte sindikatuek Maiatzaren Lehenean
Milaka langile elkartu dira Iruñean, Bilbon, Gasteizen, Donostian, Baionan eta Maulen egindako manifestazio eta ekitaldietan. Langile eskubidea defendatu eta lortzeko, greba erreminta ezinbesteko gisa aldarrikatu dute sindikatu guztiek. LAB lehen aldiz intersindindikalarekin batera mobilizatu da Baionan, segregaziorik gabe. EHKSk, bere aldetik, manifestazio jendetsua egin du Bilbon.
Maiatzaren Lehenean, beste urte batez langileek kaleak hartu dituzte Euskal Herrian eta mundu osoan. Bilbon, Gasteizen, Iruñean eta Baionan izan dira mobilizazio nagusienak gurean. Sindikatuek euren aldarrikapenak egin eta marra gorriak zein diren ohartarazteko aprobetxatu dute, eta euren hitzaldietan etengabeak izan dira EAEko gobernu berriari emandako mezuak.
ELA: "Zenbat eta greba gehiago, orduan eta emaitza hobeak"
Mitxel Lakuntza ELAko idazkari nagusiak Bilbon, milaka lagunen aurrean, adierazi du zerbitzu publikoak indartzearen beharra eta sindikatu horrek konfrontaziorako bidean jarraituko duela ohartarazi die patronalari eta gobernuei, greba balioan jarrita: "Zenbat eta greba gehiago, orduan eta emaitza hobeak".
Oposizioan dauden ezkerreko alderdiei, aldiz, Lakuntzak eskatu die ez dezatela "herri" akordiorik egin "pribatizazioa eta botere ekonomikoen aldeko fiskalitatea bultzatzen dutenekin", izan ere, bere esanetan "herri akordio horiek posible dira eskuineko edukiak onartzen badira”.
.jpg)
LAB Baionan, intersindikalean
LABek Iruñean egin du manifestazio nagusia. Garbiñe Aranburu eta Igor Arroyo koordinatzaile orokorrek probestu dute sindikatuak 50 urte egin berri dituela, orain arte langile borrokaren bidez lorturikoa azpimarratzeko. LABek 50.000 afiliaturen langa gainditu du lehen aldiz aurten.
Aranburuk "bizitza duinak eta bizigarriak" eskuratzeko borrokan jarraituko dutela ziurtatu du. Arroyok, berriz, 30 orduko lan astea eta beste hainbat aldarrikapen jarri ditu mahai gainean. Hain zuzen, lanorduen murrizketa izan da sindikatuek aurten egin duten aldarri nagusienetako bat.
Baionan ere manifestatu da LAB, aurten lehen aldiz intersindikalak antolaturiko mobilizazioan. Hainbat urtetan segregaturik egon eta gero CGT, CFDT, FSU, Solidaries eta UNSA sindikatuekin batera atera da LAB Baionako karriketara. Eñaut Aramendi sindikatu abertzaleko kideak salatu du Frantziako Gobernua greba eskubidea murriztu nahian dabilela eta borrokan jarraituko dutela hitz eman du, hori gertatu ez dadin.
Bandera gorriak Bilbon, EHKSren eskutik
Maiatzaren Leheneko mobilizazio jendetsuenetako bat EHKSren eskutik izan da Bilbon. Bandera gorriak eskuan, milaka lagunek aldarrikatu dute Langileen Nazioarteko Eguna ez dela "oroimenerako egun huts bat" eta iraultza sozialistaren alde egin dute.
"Munduko proletalgoaren hamarkadatako ondare iraultzailea geure egin, irakaspenak eguneratu eta gizarte kapitalistaren aurka langileriaren boterea eraikitzen jarraitzeko beharra da gaur aldarrikatu nahi duguna", azaldu dute Euskal Herriko Kontseilu Sozialistako kideek, Gedar langile kazetak jaso duenez.
Gazaren kontrako genozidioa ere gogoan izan dute EHKSren manifestazioan. Sindikatuek antolaturiko mobilizazio ia guztietan ere ikusi ahal izan dira palestinar banderak, eta Palestinako herriaren aldeko oihu eta mezuak entzun dira.
CCOO eta UGT sindikatuak elkarrekin irten dira kalera Hego Euskal Herriko lau hiriburuetan. Raul Arza UGT-Euskadiko idazkari nagusiak ere Eusko Jaurlaritza berriari egin dio aipamena, eta oharra bidalio dio esanez "beste erremediorik" geratzen ez zaienean, greba erabiltzen jarraituko dutela euren eskubideak defendatzeko tresna modura.
CNT "folkloretik harago" mobilizatu da
Mugimendu anarkstaren erreferente den CNT sindikatuak Bilbon, Iruñean, Donostian, Barakaldon eta Gasteizen egin ditu mobilizazioak Maiatzaren Lehenean, langile-klasearen emantzipazioaren alde. Azaldu dutenez, egun horrek "langileen fokloretik harago, milaka pertsona mobilizatzeko" balio izan du.
Bilbon hainbat sektoretako langileek hartu dute hitza mobilizazioaren amaieran. Lan munduaren zentraltasuna eta borroka sindikala berreskuratzeko beharra aldarrikatu dute, besteak beste. Gainera, Europan eta munduan bizi den egoera "pro-belikoa" ere salatu dute: "Gerrako keynesianismoa inposatu nahi digute, gerra estatuen eta kapitalaren ekonomia suspertzeko elementu gisa".
Istiluak Parisen eta beste hiri batzuetan
Mundu zabalean, bestalde, milioika lagun elkartu dira hiri nagusienetan Maiatzaren Lehena ospatu eta langileen eskubideak aldarrikatzeko.
Parisen istiluak izan dira milaka lagun Bastillara abiatu direnean. Palestinako gatazka eta Joko Olinpikoen negozio eta espekulazioa izan dira aldagai nagusiak Frantziako hiriburuko protesta horietan. Atenasen eta Istanbulen ere istiluak izan dira manifestarien eta polizien artean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Hiru eguneko greba egin zuten ekainean eta enpresak ez ditu bete adierazitako konpromisoak. Horien artean zegoen udako oporren hutsuneak betetzea, CCOO sindikatuak azaldu duenez.
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".