LAB, ELA, UGT eta CCOO sindikatuek prentsaurrean azaldu dute negoziazioan aurrerapausorik eman ezean, mobilizazio egin gehiago eta greba ere deitzeko prest direla. Urriaren 21ean elkarretaratzea egingo dute LARES patronalaren egoitza aurrean, Iruñean.
Sindikatuek agerraldia egin dute ostegun honetan Nafarroako zaharren egoitzetako negoziazio kolektiboa desbloketatu dadila eskatzeko. Plataforma bateratu bat ere aurkeztu dute, eta salatu dute LARES patronalak ez duela hitzarmenaren inguruan negoziatzeko borondaterik erakutsi orain arte.
LAB, ELA, UGT eta CCOOren arabera Nafarroako 70 zaharren egoitzetan 4.500 langile ari dira eta haien lan-baldintzez hitz egin nahi dute. Hala, ohartarazi dute urriaren 14an patronalarekin egitekoa duten bileran aurrerapausorik eman ezean mobilizazioak azkartuko dituztela eta urte amaitu baino lehen egoitzetako lehen sektorean greba deialdia egingo dutela.
Oraingoz, elkarretaratzea deitu dute urriaren 21ean, ostegunarekin, Iruñean, LARESen egoitza aurrean.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.