Greba mugagabeari ekingo diote Aernnovako langileek, osasuna bermatzeko

  • Aernnovak Berantevillan duen fabrikako enpresa batzordeak greba mugagabea deitzea erabaki du, martxoaren 31tik aurrera, koronabirusak eragindako egoeraren aurrean langileen "osasuna bermatzeko".

Artikulu hau CC BY-SA 3.0 lizentziari esker ekarri dugu.

2020ko martxoaren 26an - 15:59

Berantevillako fabrikako hainbat langile bajan daude -horietako bat ospitalean-, koronabirusak kutsatuta; baita berrogeialdian dauden langileen kasu susmagarriak ere.

Iragan asteartetik itxita egon da lantegia, langileek fabrika barruan egindako protesten ondorioz. Asteazkenean, ordea, ekoizpenari berrekin zion Aernnovak Berantevillan.

Horrez gain, garraio kolektiboaz arduratzen den enpresak enplegua erregulatzeko espediente bat iragarri du, eta ibilgailua partekatzeko debekuaren ondorioz, arazoak sortu dira langileen garraioan: "Arriskuak mugatu beharrean, Aernnovak arrisku handiagoan jarriko ditu langileak", adierazi du enpresa batzordeak.

Martxoaren 31tik aurrera

Aernnova Aeroestructuras enpresako langileen batzordeak herritarren osasuna lehenetsi beharrean negozioei eustea sustatzen ari direla leporatu die kudeatzaile politikoei. "Interes orokorraren aurka" eta "arduragabekeriaz" jokatzen ari direla kritikatu dute.

"Galera ekonomikoak egongo dira, baina are handiagoak izango dira krisi hau modu azkar eta eraginkor batean gainditzen ez badakigu", salatu dute.

Langileak babesteko berrogeialdi produktiboa adosteko ezintasunaren aurrean, greba mugagabea deitu du enpresa batzordeak martxoaren 31tik aurrera.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude