Gomazko piloten erabateko debekua eskatu dute biktimek
Gomazko pilotak guztiz debekatzeko eskatu diote Eusko Legebiltzarrari, Bilbon egindako prentsaurrekoan. Joseba Nafarrate, Xuban Nafarrateren aitak irakurri du eskaera, eta harekin batera agertu dira hedabideen aurrean Manu Cabacas eta Fina Liceranzu –Iñigo Cabacasen gurasoak–, 1995ean gomazko pilotakada batek hildako Rosa Zarraren alargun Xabier Irazusta, eta beste pilotakada baten erruz begi bat galdu zuen Mikel Quintela.
Ertzaintzari gomazko pilotak erabiltzea guztiz debekatzeko EH Bilduren legez besteko proposamena eztabaidatuko da ostegunean Gasteizko Legebiltzarrean, eta horren bezperan egin dute eskaria biktimek. Debekua inolako baldintzarik gabe ezartzea eskatu dute.
“Rosa Zarraren eta Iñigo Cabacasen heriotzak, eta beste askori eragindako zauri larriek frogatu egin dute gomazko pilotak material hilgarria direla, hil egiten dutela. Tragikoa litzateke horrelako beste gertakari bat Eusko Legebiltzarraren babespean gertatzea”, esan du Joseba Nafarratek.
Pilotak erabiltzea arduragabekeria politiko eta sozialtzat jo du Nafarratek. Hala ere, adierazi du, biharko eztabaidaren ondorioa izan daiteke haiek erabiltzeko aukera bere horretan mantentzea.
EH Bilduk, eztabaida proposatu duen taldeak, erabateko debekua eskatzen du. Haren testuari osoko zuzenketa bana aurkeztu diote EAJk, PSE-EEk eta UPyD. Azken biak gomazko piloten ordez bestelako material errepresiboa erabiltzearen alde agertu dira –sozialistek gomazko piloten erabilera murrizteaz mintzo dira–.
Jeltzaleen testuak, aldiz, ate guztiak uzten ditu zabalik, pilotak edo bestelako materialik zehazki aipatu gabe. Pertsonen segurtasuna eta ordena publikoa bermatzeko bitarteko egokienak erabil daitezela eskatzen du EAJk, besterik gabe. Helburuen eta neurrien arteko proportzioari eutsiz, hori bai.
“Aditz egokia ez da murriztu”, esan du Joseba Nafarratek, “baizik eta oztopatzea debekatzea, erretiratzea”. Gomazko pilotak erabiltzen jarraitzea errusiar erruletan jokatzearen parekotzat jo du Xuban Nafarrateren aitak. “Iñigo Cabacasen heriotza azken irakaspena izan dadila eskatzen dugu, eta berme bakarra da gomazko pilotak sekula berriro ez erabiltzea, ezta egoera 'berezietan' ere".
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]
Rosi Zarra donostiarra 1995eko ekainaren 30ean hil zen, 58 urterekin, Ertzaintzaren gomazko pilota batek sabelean jo eta zortzi egunera. Amara Berriko Bakearen Usoaren aurrean zauritu zuten, protesta batean istiluak sortu zirenean. Ertzaintzak ikerketa bat abiatu zuen Zarraren... [+]
Kataluniako poliziak inoiz izan duen "barne-ikerketarik handiena" izango dela adierazi du Kataluniako Gobernuko bozeramaile Meritxell Budók, El Mon hedabideak argitaratu duenez.
Oso gertutik jaurtitako pilota baten ondorioz begi batetik erdi itsu geratu zen Aingeru Zudaire gaztea 2012an, greba orokor baten testuinguruan izandako protestetan. Orain, Nafarroako Lurralde Auzitegiak absolbitu egin du pilotakada eman zion Espainiako Polizia.
Espainiar zein Frantziar burges diktadurei adierazpen askatasunak kalte egiten dienean, adierazpen askatasuna eta manifestazioak egiteko eskubideak debekaturik daude Euskal Herrian. Zer esanik ez, faxista ikusgarrienei babesa emateko bada, edozein gaia izanda ere. Matxinada... [+]
2017ko urriaren 1ean Espainiako Poliziak tirokatutako pilotakadaren ondorioz begietako bat galdu zuen Roger Españolek. Iridia zentroak jakinarazi du tiroa egin zuen polizia identifikatu duela. Datuak Bartzelonako epaitegiaren esku jarri ditu.
5 urteko kartzela zigorra eskatzen du Aingeru Zudaireren akusazioak Espainiako poliziaren kontra, gertutik tiro egin zuela argudiatuz. Fiskaltzak aldiz,absoluzioa defendatu du, polizi oldarraldia neurrikoa izan dela defendatuz. Zudairek azaldu duenez, 2012ko greba orokorraren... [+]
Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.