Hainbat protesta deitu dituzte Tolosako polizia-kargak salatzeko
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
Tolosan gertatutako polizia-kargak salatzeko, Sare Amasa-Villabona-k prentsaurrekoa egingo du gaur, hilak 13, 19:00etan Villabonako Berdura plazan. Bestalde, Tolosaldeako Kontseilu Sozialistak manifestazioa deitu du 18:00etan Triangulo plazatik hasita.
Hainbat liskar izan ziren Tolosako Inauterietan. Horietako batean Ertzaintzak istiluen kontrako materiala erabili du, eta gazte bat zauritu duela jakinarazi du Tolosako Atariak. 16 urteko gazte billabonatar bat dela jakinarazi du Naiz-ek.
Tolosako alkate Andu Martinez de Rituertok ondorengoa adierazi du sare sozialetan: "Jakin berri dut bart Ertzaintzaren karga bat eman dela Alde Zaharrean eta gutxienez gazte bat larri zauritua dagoela pilotakada bat jaso eta gero. Gertatutakoa argitzea eskatu dugu, jendez lepo baitzen inguru hori. Zauritutako gaztea azkar senda dadin espero dugu."
Ertzaintzak adierazi du prebentziozko neurri gisa ofiziozko ikerketa abiatuko duela. Horrez gain, dagokion auzitegiko mediku bati eskatu diote ospitaleratutako gaztea ebaluatu eta lesioa zerk eragin dion zehazteko. Aldi berean, Ertzaintzak barne-ikerketa hasi du.
Tolosaldeako Kontseilu Sozialistak bideo hau igo du sareetara.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]