“Ez da bidezkoa, hamasei urte ditu; bada garaia gauzak aldatzeko eta asko gainera”
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da bidezkoa. Hamasei urte ditu. Beste erreminta batzuk badituzte aktuazioak egiteko. Bada garaia gauzak aldatzeko, eta asko gainera". Bildutako herritarren izenean hitza hartu du beste pertsona batek eta "animoa, maitasuna eta babesa" helarazi dizkie zaurituari, honen lagunei eta familiari. Eskaera zehatz hau egin du: "Lehenbailehen azalpen publiko argiak eman ditzatela arduradunek. Kargaren agindua emateko ardura nork izan zuen argitu eta neurriak hartzea". Larunbatean Tolosan mobilizazioa egingo dutela iragarri du.
Tolosako inauterietan igande gauean Ertzaintzak kargatu egin zuen Alde Zaharrean eta Villabonako 16 urteko gazte bat larri zauritu zuen begian. Gertaeren irakurraldi jendetsua egin dute Villabonan astearte iluntzean. Lehenik, gaztearen aitak hartu du hitza eta semearen begiaren osasun egoera zertan den azaldu du: "Begian lesio edo kolpe handia dauka eta horrek izango duen eragina baloratzen ari dira. Berez gaur ebakuntza egin behar zioten baina ezin izan da, begia oso puztuta daukalako. 12-15 puntu ditu betazalean eta bekainean, erretina mugituta dauka alde batera eta jasotako jaurtikariaren kolpeak eragin dio begi barrenean dagoen malko-hodia puskatu egin diotela eta hori ez da erabat berreskuratuko. Ebakuntzatik ateratzean ikusiko da ea zer ondorio izan ditzakeen ikusmenean".
Ondoren adierazpen hauek egin ditu gertatutakoa salatuz: "Nahikoa da. Herriko festa batzuetan, jendea jai giroan ospatzen ari denean, uniformedun batzuk sartzen dira eta kargatu egiten dute. Ikusi da horrek zer ondorio izan ditzakeen. Nire haserrea adierazi nahi dut, behingoz istorio hau amaitu dadin". Mahai gainera atera ditu Ertzaintzak jaurtikitzen dituen foam objektuak: "Hauek dira Ertzaintzak Tolosan erabili zituen jaurtikariak. Horietako bat da nire semeari begian jo ziona. Ez da bidezkoa. Hamasei urte ditu. Beste erreminta batzuk badituzte aktuazioak egiteko. Bada garaia gauzak aldatzeko, eta asko gainera".
Ardurak argitzea eta neurriak hartzea eskatu dute herritarrek
Gazteari "herri oso baten animoa, maitasuna eta babesa" adierazi dizkio plazan bildutakoen izenean hitza hartu duen villabonarrak. Ertzaintzaren "indarkeria neurrigabea" salatu du: "Entzun dugun aitzakia bakarra, liskar bati amaiera eman nahi ziotela izan da. Herri honek ondotxo daki zer den Ertzaintzaren biolentzia jasatea. Garaia da aski dela, nahikoa dela esateko. Nazkatuta gaude. Ez dute eskubiderik erabiltzen dituzten metodoekin guztion bizitzak arriskuan jartzeko". Eta eskaera zehatz hau egin die arduradunei: "Lehenbailehen azalpen publiko argiak ematea. Kargaren agindua emateko ardura nork izan zuen argitu eta neurriak hartzea".
Larunbata honetan, otsailak 17, Tolosako Triangulo plazan 12:00etan egingo duten mobilizazioan parte hartzera deitu dute euskal jendeartea.
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.