Gobernua independentista adostu beharra

  • Gobernu independentistaren orena da Katalunian. ANCk iragarri du otsailaren 28an manifestazioa egingo duela honen alde. 2010ean 135 diputatuetatik hamalau ziren alderdi independentistetakoak, orain 75.

Argazkia: El Independiente

2021eko otsailaren 23an - 09:06

Badu azalpena kontuak, CiUkoak ziren 62, horien artean Carles Puigdemont, eta beste hainbat independentista ere izango ziren multzo handi horretan. Azken hiru hauteskunde autonomikoetan –2015, 2017 eta 2021–, gehiengo osoz irabazi dute, aise. Gobernu ez independentista, beraz, lekuz kanpo dagoela dirudi.

Bere lekuan dagoena Espainia da: hauteskundeak otsailaren 14an egitea Kataluniako Auzitegi Gorenak inposatu zuen. Kanpaina preso politikoekin egin dute, kartzelatik sartu-irtenean ari zirela, eta egungo parlamentarien %5ek erreferendumaren errepresioari lotutako auzi judizialak ditu.

Baina JxCat eta ERC oso gaizki moldatu dira azken koalizio gobernuetan. Begi bistakoa izateaz gain, Puigdemontek ere hala azaltzen du M’explico. De la investidura a l’exili liburuan, oso gordin gainera. Presidenteak behin eta berriz jotzen du Oriol Junqueras eta ERCren aurka, erreferendumaren aurretik hura egiteko agertzen zituzten zalantzengatik, erreferendumaren ondorena prestatu ez zutelako eta Puigdemont bera bakarrik utzi zutelako. ERCko buruzagien salaketa JxCati ere argia da: “Baina zer uste dute, herrialdea beraiena dela, ala?”. Hala ere, gobernua osatu beharko dute, eta orain nahi dute CUP ere barruan egotea. Hauek prest agertu dira, baina, logikoa denez, baldintzak ez dira makalak, bereziki orain, kale istilu berrien karietara, Mossoen birmoldaketa sakona eskatu dutenean.

Beste gobernu aukera bat: ERC, En Comú eta CUP  (eta CUP gabe ere bai). Baina, En Comúren jarrera ikusita, gaitza da irudikatzea nola goberna dezakeen halako exekutibo batek independentziarantz. Hasteko, PSCren abstentzioa beharko luke. Eta gobernagarritasunari begira, batzuetan sozialisten sostengua eta besteetan JxCatena beharko luke. Edozein kasutan beti gobernu ahula litzateke.

Urriaren 1aren ondoren, proces-a noraezean dago, bistan da, baina hortxe daude, aurrera egiteko prest, nola egin asmatu ezinean. 2010eko uztail hartan estatut-ari Madrilek egindako orrazketaren aurka Bartzelonan ia milioi bat pertsona kalera atera zenean, inork gutxik irudikatuko zuen hurrengo hamarkadan biziko zutena. Urrats erraldoia eman dute, baina nola jarraitu? Adostu egin behar, ez dute beste erremediorik, bakarka ezin dute. Funtsean, adostu beharko dute epe ertainera begira zein den estatuarekiko izan beharreko konfrontazio maila jasangarria; aurrera egin aldi berean independentismoaren zorua zabalduz. Gobernua eratu behar dute, baina kalearen bultzada barik proces-a kale itsura doa. Zoritxarrez, ez da jaio oraindik, arazoari irtenbide demokratikoa emango dion Espainiarik.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude