Ostiralean jazo zen erasoa, eguerdiko 14:30ak inguruan, Barakaldon. 47 urteko gizonak emakumezko bikotekidearen autoa jo zuen berearekin, eta ostean emakumea harrapatzen saiatu zen. Erasoa burutu ondotik, gizona atxilotu egin zuten. El Correok dioenez, emakumeak aitortu zuen aurretiaz ere egin izan diola eraso gizonak.

Erasoaren salatu eta gaitzesteko, astelehenean elkarretaratzea egin zuten Barakaldoko Herriko Plazan, Argitan Emakumeentzako Aholku Etxeak deituta. Bertaratutakoek indarkeria matxistaren aurrean "neurri integralak eta apustu ausartak" eskatu zituzten.