Gizon bat atxilotu dute Gasteizen sexu erasoa egotzita
Bere bikotekide ohiak salatu du erasoa. Gizonak urruntze agindua zuen ezarria. Polizia Armentiako udal txakurtegian hainbat emakumek salatu dituzten sexu jazarpenengatik ikertzen ari zen gizona.
Atxilotutako gizonaren bikotekide ohiak igande arratsaldean salatu du erasoa, Gasteizko Udaltzaingoan. Salaketaren arabera erasoa igandean gertatu zen, arratsaldeko 17:00ak aldera, Zuia (Araba) herriko aisialdi gune batean. Igandean bertan Udaltzaingoak Gasteizko bere etxean aurkitu zuen 61 urteko gizona, eta atxilo eraman zuen.
Salaketa gehiago aurretik
Polizia gizona ikertzen ari zen aurretik ere, beste auzi batzuengatik. Uztailean jakin da Gasteizko Armentiako udal txakurtegiko hainbat emakume boluntariok salaketa jarri dutela langile baten aurka, lan jazarpena eta sexu abusua leporatuta. Animalien babeserako APASOS elkarteko kide dira emakumeak, eta 2018ko udatik langile funtzionario horrek sexu ukituak egin dizkiela edo tratu iraingarria eman diela salatu dute, besteak beste. Igandean atxilotutako gizona eta txakurtegiko boluntarioek salatutakoa berbera dira.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.