Gizon bat atxilotu dute Burlatan, indarkeria matxista egotzita

  • Astearte arratsaldean atxilotu dute gizonezkoa, bere bikotekideak balkoitik laguntza eskatu ostean. Asteburuan, berriz, gizonezko bat atxilotu dute Iruñean, emakume bat bortxatzea leporatuta.


2023ko maiatzaren 03an - 11:46
Forunzaingoak astearte arratsaldean atxilotu du gizonezkoa, emakumea balkoira laguntza eske irten ostean. (Argazkia: Noticias de Navarra)

Gizon bat atxilotu dute Burlatan, bere bikotekideari eraso egitea leporatuta. Astearte arratsaldean atxilotu du Foruzaingoak, emakumea balkoira laguntza eske irten ondoren. Anbulantzia ere gerturatu da erasoa gertatu den lekura eta emakumea artatu du, zauri arinekin. Gizona Beloso Alto kaleko polizia-etxera eraman dute. 

Beste atxilotu bat, bortxaketa egotzita

Asteburuan, berriz, Iruñean gizon bat atxilotu du Udaltzaingoak emakume bat bortxatzea leporatuta. Larunbat gauean izan zen, Buztintxuri auzoko lorategi batean. Noticias de Navarrak azaldu duenez, atxilotuak aurrekariak ditu beste emakume bati eraso egiteagatik.


Kanal honetatik interesatuko zaizu: Indarkeria matxista
La Salle jakitun zen Patxi Ezkiagak adin txikikoei egindako sexu abusuez, eta ez zuten neurririk hartu

El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]


2024-06-19 | June Fernández
Irantzu Varela, komunikatzaile feminista
“Erreparazio zein mendeku ariketa bat da nire eleberria”

Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]


21 urteko fisioterapeuta bat atxilotu dute Bilbon, emakume bati sexu erasoa egitea leporatuta

Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.


18 urteko gizonezko bat atxilotu dute Gasteizen sexu erasoa leporatuta

Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.


2024-06-12 | June Fernández
‘justizia doribelentzat’
Indarkeria matxista intersekzionalaren kasu paradigmatikoa

Gizon bilbotar zuri bat epaitua izan da bere bikotekidea (emakume migratua) bizirik erre izana leporatuta. Feminizidio frustratu horrek agerian uzten du biktimek bizi duten babesgabetasuna, indarkeria matxista arrazakeriarekin uztartzen denean.


Eguneraketa berriak daude