Gipuzkoako basozainek ofizioaren "profesionalizazioa" eskatu diete instituzioei
Gipuzkoako Batzar Nagusietan salatu dute "teknologikoki atzeratuta dagoena eta formazio eskaseko" ofizioa dela gaur egun beraiena, Antxon Gomez eta Xabier Rubio basozainek.
Gipuzkoako Basozainen Elkarte Profesionalak Euskal Autonomia Erkidegoan Baso Agenteei buruzko Legea sortzea eskatu dute, Espainiako Estatuko beste lurraldeetan existitzen diren bezala. Elkarteko lehendakari Antxon Gomezek, gainera, salatu du ofizioa "ikusezin egin dutela", eta Gipuzkoako Foru Aldundiak "ez duela jendaurrean erakutsi nahi lana".
Beste kexa motibo bat lanaren prestakuntza eta formazioa izan da. Gomezek eta bere lankide Xabier Rubiok esan dutenez, elkarteak ikastaroak egiteko eskatu dio Aldundiari, baina ez dute erantzunik jaso. Horrez gain aurrerapen teknologikoak ere eskatu dituzte: "XXI. mendeko basozain zerbitzu berria eta aurreratua sortu nahi dugu".
Guardia Zibilak
Egun 48 basozain daude Gipuzkoan, "gutxi", hauen hitzetan. Araban, ordea, duela urtebete sei besterik ez zeuden, GasteizHoy hedabidearen arabera. Hala ere, Guardia Zibilak EAEn jarduteko ingurumen unitate bat sortu dezakeela ohartarazi dute. Gomezek gaitzetsi egin du hori: "Espainiako Trafiko edo Ogasun sailak esango balu EAEn unitate bat sortuko duela, krisia izugarria litzateke. Baina, zer gertatzen da ingurumen delituekin hemen? Oso merkatu handia dagoela eta ez direla ikertzen ari".
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.