Gipuzkoa, Bizkaia eta Arabako 45 eta 55 urte artekoak ere txertaketa planean sartuko dira

  • Osasungintza eta arlo soziosanitarioko lehen lerroko txertaketak bukatzean, adina izango da kontuan hartu beharrezko hurrengo irizpidea txertoa jartzeko momentuan. 


2021eko otsailaren 18an - 12:57

Gotzone Sagarduik Eusko Jaurlaritzako Osasun sailburuak aurreratu duenez, 80 urtetik gorako pertsonen txertaketa hurrengo astean hasiko da. 45 eta 55 urte bitartekoak ere txertatuko dituzte, AstraZeneca txertoarekin. 80 urtetik gorakoen kasuan, prozesu mailakatua izango dela adierazi du sailburuak, 100 urtetik gorakoekin hasiko direla. Hauek txertatu ondoren, 70-80 tartekoak, gero 60-70 azkenik gaixotasuna hartzeko arrisku handia duten 60 urtetik beherakoak.

Lehen mailako osasungintzako langileen txertaketa oraindik bukatu gabe, ertzainak txertatzen hasi zen atzokoan Osasun Saila, 275 txerto jarri zituzten. Orotara, egunero 400 ertzaini jarri nahi diete txertoa, lehen fase batean 4.508 ertzain immunizatu arte.

Txertaketa prozesuak eragin kexak

Arabako, Bizkaiko eta Gipuzkoako azpikontratatutako anbulantzietako langileek COVID-19aren txertoa eskatzen dute. Atzo Donostia ospitalaren atean egin zuten mobilizazioa, ELA, USO, LAB, UGT, CCOO eta CNT sindikatuek deituta. Mobilizazioek aurrera jarraituko dute, gaur Bilbon batuko dira eta otsailaren 23an Gasteizen. Ekaitz Telleriak, LABeko ordezkariak azaldu duenez, COVID-19aren aurrean "zuzeneko lana" egiten ari dira langile hauek eta ez du ulertzen oraindik txertorik gabe egotea. 

Erizainek ere protesta egin zuten, SATSE sindikatuak deitua.

 

Amaia Mayor, Bizkaiko Sindikatuaren idazkariak Osakidetza eta Osasun Saila txertaketaren hasieran prest ez zeudela uste du: "Uste dugu Osakidetza edo edo Osasun Saila ez zegoela prest hori horrela egiteko. Egun batetik bestera hasi zen, eta antolakuntza ez da izan egokiena".


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude