Kritika gogorrak jaso dituen AEBetako Gaza Humanitarian Foundation-aren filiala desegingo du Suitzak
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau banaketa gune bermatuta gosetea pairatzen dabiltzan bi milioi herritarrentzat –aitzin, NBEak kudeatzen zuenean, 400 banaketa gune ziren–.
aurre egingo dieten hedabide independenteak
200 Gobernuz Kanpoko Erakundek dute GHF Gaza Humanitarian Foundation-aren desegitea galdatzen eta NBE ere bide beretik doa: "Ustezko 'Gazako Fundazio Humanitarioa' (GHF) desegiteko deia egiten du komunitate humanitarioak, herritarrei gosetea eta arma tiroak besterik ez dizkielako ematen', UNRWA Palestinar Iheslarientzako Laguntza eta Lan Bulegoaren hitzetan. Otsailean GHF sortu eta maiatzaren 26an abiatu zuten Gazan, Israelek eta AEBek kudeaturiko "laguntza banaketa".
Zentzu horretan aitzina pauso bat izan daiteke Suitzako Zaintza Agintaritza Federalak harturiko erabakia: Gaza Humanitarian Foundation-aren Genevako filiala desegingo du Suitzak, ondoko 30 egunetan ez bada hartzekodunik agertzen. Berez, GHF AEBetako Delaware estatuan da kokatua, eta bere filiala, berriz, Suitzan, finantza arrazoiengatik –paradisu fiskal ezaguna da Suitza–.
"Legezko betebehar batzuk betetzen ez dituenez", ekaina bukaera aitzin bere egoera argitzeko galdetua zion Suitzako Zaintza Agintaritza Federalak fundazio restatubatuarrari. Bigarren urrats gisa, uztailaren 2an atera dute filiala desegiteko prozesuaren albistea. Ondoko hutsak zerrendaturik dituzte: fundazioak ez du kontseiluko kiderik Suitzan bizi denik eta sinatzeko gaitasuna duenik; estatutuetan aurreikusitako kontseilurako gutxieneko hiru kideen kopurua ez dute bete; ez du banku konturik Suitzan; ez du baliozko helbiderik Suitzan; ez du berrikusteko organorik...
Nahiz eta NBEak eta bestelako erakunde humanitarioek GHFrekin lan egitea errefusatu, nazioarteko estatuburuak isilik dabiltza eta aitzina doa fundazioaren ekimena.
550 hildako eta 4.000 zauritu
"Lau banaketa guneek –guztiak Israelgo indarrek erabat kontrolatutako eremuetan kokatuak, biztanleak indarrez mugitu ondoren– futbol zelai baten tamaina dute, eta behaketa postuez, lur ezpondaz eta alanbre-hesiz inguratuta daude. Haien sarrera hesituak sarbide bakarra ahalbidetzen du (...) GHFko langileek paletak eta janari-kaxak lurrean utzi eta hesiak irekitzen dituzte, milaka pertsona aldi berean sarrarazi, azken arroz-alea arte borrokatzeko", dio, desesperatuta, Mugarik Gabeko Medikuak-eko urgentzia zerbitzuen koordinatzaileak. Soilik lau banaketa gune dituzte bi milioi biztanlerentzat, eta hori aitzin, NBEak kudeaturiko laguntza humanitarioa bideratzeko 400 banaketa gune ziren.
Lau astez, laguntzaren bila zihoazen 550 palestinar hil eta beste 4.000 kolpatu dituzte Tsahalek edota sionistek sustengaturiko pertsona armatuek.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]