“Geldi euskara zapaltzea” margoketagatik, pertsona bat auziperatuko dute

  • Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.


2024ko maiatzaren 20an - 13:02
Azken eguneraketa: 14:39

Euskal Herriko bost euskaltzalek Baionako suprefeturaren paretan ondorengoa idatzi zuten spray-ekin, joan den ostiralean: Geldi euskara zapaltzea. Frantziako Estatuko agintariei zuzendutako mezua zen.

Argazkia zabaldu zen sareetan, baina astelehen goiz honetan jakin da ekintzaile horietako bat –Gorka Torre; lehen ere euskararen aldeko tindaketengatik auziperatua izana– atxiki zuela Frantziako Poliziak tindaketa egin eta gutxira, eta 24 orduz atxiloaldian izan zutela. Suprefetak salaketa ipini dio eta irailaren 10ean epaituko dutela, Baionan.

Baxoa euskaraz egiteko aukera aldarrikatu zuten ostiral goizean Baionako Etxepare lizeoko ikasleek, suprefeturaren parean. Horiei babesa adierazteko modua izan zen, Herribiltzaren hitzetan, arratsean egindako tindaketa.


Kanal honetatik interesatuko zaizu: Euskara Ipar EHn
2024-06-06 | Euskal Irratiak
Laborantza lizeoetan euskaraz ikasteko aukera ezbaian Parisen

Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.


2024-05-31 | Euskal Irratiak
Maddi Zubeldia
“Ziburuko plaza euskararen arnasgune izatea erdietsi dugu azokarekin”

Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak


2024-05-16 | Euskal Irratiak
Mattin Irigoien
“Berrikuntzak frantsesaren eskutik heldu badira, zaila izanen da geroan euskaraz bizitzea”

Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.


Anne-Marie Lagarde. Matriarkatuaz (eta biziaz)
“Zukak puruki ezabatzen du sexu identitatea eta, hikak, aldiz, eraikitzen”

Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]


2024-04-18 | Euskal Irratiak
Tulalaika besta, Xiberoako ikastolei bultzada emateko

Hirugarren urtez Xiberoako ikastolei bultzada emanen die Tulalaika bestak.


Eguneraketa berriak daude