1.500 euroko gutxieneko soldataz hitz egiteko Confebask ez da mahaian eseri ere egingo
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko soldata, 1.500 eurokoa, proposatzea adostua dute, eta martxoaren 20an patronalari aurkeztuko ziotela gogorarazi zuten martxoaren 13an emandako prentsaurrekoan. Sindikatuek kritikatu dute ordezkari politikoek zein patronalak uko egin diotela martxoaren 20ko bilera baino lehen proposamenaz hitz egiteari.
aurre egingo dieten hedabide independenteak
Yaguek martxoaren 14ko goizean egin ditu adierazpenak, gehiengo sindikalak bezperan prentsaurrekoa eman eta gero. Radio Euskadin esandakoak Berria egunkariak jaso ditu. Confebaskeko presidenteak iragarri du martxoaren 20ko bilerara ez direla joango, eta argudiatu du gutxieneko soldata propioa negoziatzeak “kolokan jarriko lukeela” enpresen lehiakortasuna. Yagueren ustez, 1.500 euroko proposamenak erakusten du sindikatuak “enpresen errealitatetik kanpo” daudela. Gaineratu du 1.500 eurora igotzeak gaur egungoa %27 igotzea esan nahiko lukeela, eta kopuru hori 2018tik %67 igo dela. Gaur egun 1.184 eurokoa da, Espainiako Gobernuak ezartzen duena. Yaguek gogorarazi du aurreko Lan Harremanen Kontseiluan, otsailaren 6an, egon zela Confebask, eta argi adierazi zuela ez zuela negoziatuko. Martxoaren 20ko bilerara begira ezer ez dela aldatu esan du.
Gehiengo sindikala kexu, patronalak uko egin diolako gaiaz hitz egiteari
Otsailaren 24an iragarri zuten sindikatuok gutxieneko soldata negoziatzeko mahai berri bat deituko zutela martxoaren 20rako. Dena den, data hori baino lehen, ordezkari politiko eta patronalekin gaiaz hitz egin eta eztabaidatu nahi zuten, modu pribatuan. Halakorik egiteko aukerarik ez dutela izan kritikatu zuten. Martxoaren 13ko prentsaurrekoan, sindikatuen bozeramaileek azaldu zuten Imanol Pradales Eusko Jaurlaritzako lehendakariari eta Mikel Torres lehendakariordeari egindako hitzordu-eskariaren erantzunaren zain daudela. Gehitu zuten lehendakariak “patronalaren diskurtsoa erosi” duela eta soldataren negoziazioa “produktibitatearekin eta absentismoarekin lotu” dituela.
Adegi, CEBEK eta SEA patronalei ere eskua luzatu zieten eta esan zuten elkarrizketari ezezkoa eman ziotela. Sindikatuon iritziz, patronalak egoerak eskatzen duen mailatik “oso urrun” daudela ari dira erakusten, eta “herri honentzat estrategikoa den gutxieneko soldataren eztabaidari atea itxi” diote.
Gehitu zuten patronalak “herri honetako aberastasuna ez birbanatzea erabaki duela, Eusko Jaurlaritzaren babesa sentitzen duelako”. Jaurlaritzari eskatu zioten uzteko patronalari keinuak egiteari eta presionatzeko.
1.500 euroko gutxieneko soldata
Gehiengo sindikalak proposatzen du EAEko langile guztientzat urteko 21.000 euro gordineko soldata, alegia, hilean 1.500 euro. Helburu horretara bi urteko epean iristea proposatzen du. Diotenez, aberastasuna justuago banatzeko, eta soldata arrakalei eta pobreziari aurre egiteko jarri dute mahai gainean proposamena. Onuradun nagusiak emakumeak, langile migratuak eta arrazializatuak, aniztasun funtzionala duten langileak eta gazteak izango liratekeela azpimarratu dute.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
New York, 1870eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Hainbat herri mugimenduk osatu dute elkarlanean Autodefentsa Juridikorako Gida: errolda eskaera Gasteizen dokumentua. Salatu dute udalak ez duela errolda eskubidea bermatzeko neurririk hartzen, gainontzeko eskubideak lortzeko oinarrizko sarbidea den arren. Gidaren helburua da... [+]
Iragan asteazkenean aurkeztu zuten Gasteizen “Padrón y derechos humanos 2022-2023” txostena hainbat elkartek: Argituz, Enarak kooperatiba, Forum de Síndics, eta Arabako Eskubide Sozial, Ekonomiko eta Kulturalen Behatokiak. Txostena Gasteizko... [+]
Eskubide honek hainbat epairen bermea daukan arren, langile publikoek salaketak jartzen jarraitu beharko dute zaintzarako baimen osoa lortu ahal izateko. Proposamena EH Bilduk egin du Izquierda Ezkerraren sozietateen gaineko zergak igotzearen inguruko mozio batean, baina ez da... [+]
Alarguntza-pentsioak lortzeko izatezko bikote bezala erregistratuta egotea ez dela beharrezkoa zioen doktrina zuzendu egin du Espainiako Auzitegi Gorenak. Udal edo autonomia erkidegoko erregistroan izatezko bikote bezala izena emanda dagoela egiaztatu beharko du alargunak berriz... [+]
Zaldibarko zabortegia kudeatzen zuen Verter Reyclingeko arduradunek astelehen honetan deklaratu dute Durangon, auzia daraman epailearen aurrean. Haietako bik uko egin diote epailearen galderei erantzuteari eta hirugarren batek ezin izan du auzitegira joan, koronabirusarekin... [+]
Argonia (Kansas, AEB), 1887ko apirilaren 4a. Susanna M. Salter-ek (1860-1961) herri txiki horretako hauteskundeak irabazi zituen, botoen %60tik gora eskuratuta, eta, hala, AEBetako lehen emakumezko alkatea izan zen.
Baigorri eta Garazi aldeko Bagabiltza biltzarreko hamar kidek Donibane Garaziko mediateka okupatu zuten, paserik aurkeztu gabe, urriaren 16an. Lauren Inchauspe auzapezarekin hitzordua lortu zuten: urriaren 19an dira biltzekoak. Bestalde, Ipar Euskal Herrian Ezpass! Nora Goaz?... [+]
Baionako Euskaldunen plazan hilik aurkitu dute igande goizaldean etxerik ez zuen eta turismo bulegoaren ondoan lo egiten zuen pertsona bat. Berriak eman du albistea, Polizia iturriek "heriotza naturala" izan dela esan dietela. Zenbait eragilek Jean Rene Etxegaraik... [+]
Arrankudiagan ez ezik, Arrigorriaga, Basauri, Galdakao, San Miguel, Zaratamo, Ugao eta Zeberion ere funtzionatuko du sareak. Etxebizitza eta elikadura izango dira egitasmoaren ildo nagusiak.
Eskubide Sozialen Kartak deitu du mobilizaziora. Kartan bildutako eragile eta sindikatuek dokumentu bat osatu dute, “pertsona guztiak eta haien eskubideak erakundeen politiken helburu izan daitezen ezinbestekoak diren hainbat neurrirekin”.