Gazara martxak bere helburua mantentzen du Egiptoko Gobernuaren errepresioaren gainetik
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
aurre egingo dieten hedabide independenteak
Estatu sionistaren eta Iranen arteko tentsio gorakadak eskualdeko gerraren arriskua areagotzen duen bitartean, Egiptoko Gobernua indarkeriaz oztopatzen ari da Gazarako martxa. Ia 4.000 pertsona daude Kairon eta inguruetan, Rafahra abiatzeko moduak bilatzen. Baina al-Sisiren gobernuak, Israelen presiopean, debekatu egin du martxa, eta hainbat modutara egin die presio 80 herrialde baino gehiagotatik etorritako aktibistei, ez daitezen mugara hurbildu. Atxiloketak, jipoiak eta deportazioak ugariak izan dira azken egunetan. Errepresioa eta debekuak Egiptotik harago ere badoaz. Gazarako martxarekin koordinatuta Tunisiatik Gazara abiaturiko ‘Al Soumoud’ auto-karabanara milaka lagun bildu dira, baina Libian geldiarazi zituen bertako Poliziak.
Atzo ziren ateratzekoak Gazara martxako partaideak Kairotik al-Arish hirira bidean, handik oinez egiteko Rafahko pasabidera dauden 50 kilometroak. Egiptoko Gobernuaren kontrolak saihestu nahian, martxaren antolakuntzako kideek parte hartzaileei eskatu zieten, antolatutako autobusetan irten beharrean, beren kasa eta talde txikietan ateratzeko Kairotik, taxietan edo autobus txikietan, adibidez. Ondoren, behin Kairotik urrunduta, berriz elkartzea zen asmoa, eta azken prestaketak egin ostean Rafahra bidean jartzea, presio egitera genozidioa bukatu eta laguntza humanitarioa sartu dadin.
Kontrol gogorrak errepidean
Baina Egiptoko Gobernuak kontrol ugari zituen jarrita errepidean. Militante gehienak, bi mila inguru zenbait iturriren arabera, gelditzea lortu zuten. Tartean hainbat pertsona atxilotu, kolpatu eta zauritu zituzten, martxaren antolatzaileek salatu dutenez. Dozenaka batzuk besterik ez omen ziren heldu aurrez ezarritako elkargunera. Euskal Herriko ordezkaritzako hainbat kide ere gelditu zituzten errepidean, batzuei pasaporteak kendu zizkieten ordu luzez, edo herrialdea utzi zezaten presionatu zituzten.
Poliziarekin liskarrak izan ziren kontroletan. Hainbat militantek eserialdi baketsuak egin zituzten protesta gisa, eta Polizia haien aurka oldartu zen. Azkenerako, tentsio gorakada ikusita, antolakuntzako kideek beraiek eskatu zieten parte hartzaileei Kairora itzuli zitezela, “manifestarien segurtasuna lehenetsi” asmoz. Gauean zehar aktibistak Kairora itzultzen joan dira, “batzuk haien pasaporterik eta telefono mugikorrik gabe”.
Larunbatean plazaratutako idatzi batean, Global March to Gaza ekimeneko antolatzaileek presioa egiteko deia egin diete herritarrei, eta martxarekin aurrera egingo dutela iragarri. “Israelek jarraitzen duen bitartean Gaza bonbardatzen, bertako biztanleak exekutatzen eta laguntza humanitarioa blokeatzen, Gazarako Mundu Martxak aurrera jarraituko du modu baketsuan, ikusgarrian eta batuan”. Artikulu hau idazterako orduan bilduta jarraitzen dute ordezkaritza ezberdinek Kairon, datozen egunetarako pausoak zehazteko.
Euskal Herritik elkartasuna
Euskal Herrian elkartasun keinu ugari izan dira egunotan Palestinarekin, eta iganderako Bilbon elkarretaratze berri bat antolatu dute, 12:30ean plaza Zirkularrean, Gazara martxarekin bat, Palestina askatu lelopean. Euskal Herritik joandako Agus Gorbea deportatu egin zuen Egiptok, aireportuan bertan atzemanda, beste kide batzuekin batera herrialdean sartzekoak zirenean. Baina euskal ordezkaritza zabal batek han jarraitzen du oraindik, eta gogorarazi dute, orain arte egin bezala, begirada Palestinan jarri behar dela. “Blokeoa apurtu, laguntza humanitarioko kamioiak pasa daitezen, eta Israelekin harreman oro eten. Genozidioa bukatzeko herritarrok antolatu behar dugu”.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Hamabost urte inguruko lau surflari israeldarren parte hartzea zela eta, hainbat eragilek protesta egin eta Groseko Surf Indarrak elkarteak lehiaketan ez parte hartzea erabaki du. Waxdayz jaialdiaren antolatzaileek ere surflari israeldarrak kaleratzea eskatu die WSL World Surf... [+]