‘The Lancet’ aldizkariak Gazan Israelek hildakoak zenbat izan daitezkeen kalkulatu du: ia 200.000 pertsona
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu dute, eta Gazako biztanleriaren ia %10 dagoela hiltzeko arriskuan.
Gazako genozidioaren ondorioak ikertu ditu The Lancet aldizkariak, eta heriotza kopuruaren estimazioa egin. “Aurreikuspen zuhurra” eginda, 186.000 palestinar baino gehiago hil daitezkeela ondorioztatu du aldizkariak. Gazako biztanleriaren 2022ko datua aintzat hartuta, 2.375.000 pertsona ingurukoa, biztanleriaren %8 hil daiteke genozidioaren ondorioz.
Ikerketan azaltzen dute nola gatazka armatuek zeharkako kalte ugari sortzen dituzten, zuzeneko indarkeriaz gain. Gatazkak amaitu ondorengo hilabete eta urteetan zeharkako heriotza ugari izaten dira gaixotasunen eta bestelako arazoen ondorioz. Gazak jasandako oldarraldien tamaina ikusita, gainera, espero da heriotza tasa “oso handia” izatea, sionisten erasoak orain amaituko balira ere. Faktore ugari aipatu ditu Lancet-en ikerketak. Osasun sistema suntsituta dago, ia ezinezkoa bilakatu da elikagaiak, ura eta babeslekua lortzea, Gazako biztanleek ezin dute leku seguruetara joan, ez baitago halakorik, eta finantzazioaren zati handia galdu du UNRWAk, Gazan aktibo jarraitzen duten erakunde humanitario bakanetakoa denak.
Azken urteetako gatazketan, ikerketaren arabera, zeharkako heriotzak askoz gehiago izan dira zuzenekoak baino. Hiru aldiz gehiago, gutxienez, eta zuzeneko heriotzak baino hamabost aldiz gehiago, kasu larrienetan. Gazako genozidioa ikertzean “estimazio zuhurra, kontserbadorea” erabili dute ikertzaileek, eta zenbatu dute lau aldiz gehiago izango direla zeharkako heriotzak zuzenekoak baino. 37.396 hildakoren kopurua erabili dute ikerketarako (38.153 dira azken datuen arabera), eta ondorioztatu 186.000tik gora hil daitezkeela Gazako genozidioaren ondorioz. Gehiago ere aurreikusi daitezke, esan bezala, estimazio gogorragoak eginez gero. Izan ere, epidemia larriak sortzeko arriskua dago Gazan, osasun arazoei aurre egiteko gaitasuna suntsitu duelako Israelek.
38.000 hildakoen kopurua motz gelditzen da, ikerketan ohartarazi dutenez, identifikatu gabe dauden gorpu guztiak ez dituelako zerrendan gehitzen Gazako Osasun Ministerioak, eta asko zaildu delako hildakoen jarraipena egitea. Hala ere, gogorarazi dute datuak ontzat eman dituztela NBEk, Osasunaren Mundu Erakundeak, eta baita Israelgo inteligentzia zerbitzuek ere. Bestalde, eraitsitako eraikinen azpian harrapatuta daude milaka palestinarren gorpuak, eta horiek ez daude zenbatuta. Estimazioen arabera 10.000tik gora dira aurkitu ez diren hildakoak.
Gazako eraikin gehienak suntsitu ditu armada sionistak, %70 eta %85 artean, iturri ezberdinetako datuen arabera. The Lancet aldizkari zientifikoko ikerlariek adierazi dute ezinbestekoa dela erasoak etetea, eta neurri indartsuak hartzea sendagaiak, janaria, ur garbia eta beste oinarrizko baliabide batzuk banatu ahal izateko.
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.