Gasteizko Udaltzaingoak identifikatutako bizilagun bat kanporatua izateko arriskuan dago

  • Larrialdi Sozialetako Udal Zerbitzuen arreta jasotzen ari zen bizilagun bat identifikatu zuen Gasteizko Udaltzaingoak ekainaren 15an. Espainiar Poliziaren eskupean utzi eta atxilotu egin zuten. Orain kanporatze espedientea irekia duela salatu du Gasteizko EH Bilduren udal-taldeak.

Argazkia: Hala Bedi

Beste behin, Gasteizko Udaltzaingoak zerbitzu sozialen arreta jasotzen ari zen bizilagun bat identifikatu du San Antonio kalean dagoen arretarako gunean. Hala Bedik kontatu duenez, ekainaren 15an izan zen atxilotua, Gorka Urtaran Gasteizko alkatetzan mantendu zen egun berean.

Zerbitzu sozialen arreta jasotzera hurbiltzen diren pertsonak bereziki zaurgarri dira, eta EH Bilduren udal-taldeak zerbitzu sozialak ezin direla “atxiloketarako eremu” izan salatu du. Gasteizko Eskubide Sozialen aldeko Plataformak martxoaren 4an ere antzeko egoera bat salatu zuen udaletxearen Gizarte-politiketarako Batzordean. Orduan, plataformak zerbitzu sozialetan jazotzen ari ziren atxiloketen inguruko azalpenak eskatu zizkion Peio Lopez de Munaini (PSE), Gizarte Politiken eta Osasun Publikoaren Saileko zinegotziari.

2018ko apirilean Gasteizko bizilagun venezuelar batekin gertaturikoa salatu zuen plataformak udaletxean. Garai hartan, pertsona hau beste bi lagunekin jantoki sozialerako txartel baten bila joan zen; bi lagunei eman egin zieten, baina lagun venezuelarrari ez zioten eman, eta udaltzainek atxilotu eta Espainiar Poliziaren eskuetan utzi zuten, ondoren kanporatua izateko, bere ohiz-kanpoko egoera zela eta.

Zerbitzu, sozialak?

Etorkinak dira, orokorrean, gure herrian egoera prekarioenean dauden biztanleak. Haien egoera halakoa izanda, askotan zerbitzu sozialetara jotzen dute, pertsona izate hutsarengatik arreta jasotzeko eskubidea baitute. Baina egoera larrian dauden pertsonen arretarako izan beharko liratekeen leku hauetan, kanpotarrak atxilotzen eta kanporatzen ari dira. Akusazio hauen aurrean, baina, Lopez de Munain udal-zerbitzuetan ohiz-kanpoko egoeran dauden kanpotarrak identifikatzeko prozedurak daudela gezurtatu du.


Kanal honetatik interesatuko zaizu: Eskubide sozialak
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Erroldatzeko eskubidea gauzatzeko “autodefentsarako” gida aurkeztu dute Gasteizen

Hainbat herri mugimenduk osatu dute elkarlanean Autodefentsa Juridikorako Gida: errolda eskaera Gasteizen dokumentua. Salatu dute udalak ez duela errolda eskubidea bermatzeko neurririk hartzen, gainontzeko eskubideak lortzeko oinarrizko sarbidea den arren. Gidaren helburua da... [+]


Erroldarik ez, eskubiderik ez

Iragan asteazkenean aurkeztu zuten Gasteizen “Padrón y derechos humanos 2022-2023” txostena hainbat elkartek: Argituz, Enarak kooperatiba, Forum de Síndics, eta Arabako Eskubide Sozial, Ekonomiko eta Kulturalen Behatokiak. Txostena Gasteizko... [+]


Funtzionario gurasobakarren amatasun baimena bikoteena bezain luzea izateari uko egin dio Nafarroako Legebiltzarrak

Eskubide honek hainbat epairen bermea daukan arren, langile publikoek salaketak jartzen jarraitu beharko dute zaintzarako baimen osoa lortu ahal izateko. Proposamena EH Bilduk egin du Izquierda Ezkerraren sozietateen gaineko zergak igotzearen inguruko mozio batean, baina ez da... [+]


Eguneraketa berriak daude