Gasteizko SDA Factoryk ere lantegia itxi eta 55 lagun kaleratuko ditu
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Enpresetako kaleratzeek eta lantegiak ixteko uholdeak ez du etenik azken asteetan Euskal Herrian, eta asteazken honetan beste bat gehitu zaio zerrendari: Gasteizko SDA Factory etxetresna egilea.
Jabea den B&B Trends Kataluniako konpainiak iragarri du bere borondatez hartzekodunen konkurtsora eraman duela lantegia eta, hortaz, ixteko bidean dela. 55 langile kalean geratuko lirateke.
Garai batean Ufesa izenez ezaguna eta Arabako etxetresna industrian pisu handikoa, hain justu BSH zen bere lehengo jabea –Nafarroako Ezkirozko lantegian 650 lagun kaleratuko dituela iragarri berri duena–, 2018an B&B Trendsek erosi aurretik. Orduan 240 behargin aritzen ziren lantegian, baina krisi eta lan-gatazkatan murgilduta izan da azken urteetan, eta urte amaieran enplegua erregulatzeko aldi baterako espedientea amaitzen da.
2018an B&B Trendsek erosi zuen. Orduan 240 behargin aritzen ziren lantegian, baina krisi eta lan-gatazkatan murgilduta izan da azken urteetan
Langileek duela hilabete inguru hitza hartu zuten Gasteizko udal batzarrean, euren egoera azaltzeko eta enpresarekin apirilean adostutako akordioa betetzea eskatzeko; besteak beste, neurri ekonomikoak eta hortik haragoko bermeak adostu zituzten.
"Diru-goseak zakarrontzira bota du"
LABek, bere aldetik, B&B Trendsen jarrerari egotzi dio lantegia egoera horretara eramatea: "Punta-puntako enpresa bat, ia 50 urteko historia duena, lurraldean errotuta dagoena, dirua poltsikoratzea helburu bakarra duten multinazionalen diru-goseak zakarrontzira bota duena", azaldu du.
Azaldu duenez, jabe berriak hainbat produkturen ekoizpena beste lantoki batzuetara eraman du, eta ikerketa eta garapen unitatea desegin du. Gainera, itxiera iragartzeko modua ere salatu du sindikatuak, e-posta bidez eta lan erregulazio espedientea luzatzeko bilera baten atarian: "Komunikazioa tamalgarria eta miserablea da", esan du.
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
ELA sindikatuak salaketa penala aurkeztu du Amurrioko Instrukzio Epaitegian Guardian Europako lehendakariordearen eta gai juridikoetako arduradunaren aurka, Autoglas-Glavista enpresan izandako gertakariengatik.
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Manifestazioa astelehenean, maiatzak 26, izango da 18:30ean Gasteizko Plaza Berritik. ELA, LAB eta ESK sindikatuek deitutako manifestazioan eskatuko dute grebari hasiera eman zion hitzarmen propioa lortzea.