Proposamenak “onura nabarmenak” ekarriko dituela adierazi du Aldundiak, garraiobide aldaketak era errazago eta merkeagoan egitea kasu.

Euskal Autonomia Erkidegoan tarifa integraziora iristea da helburua, salneurri mailakatua eta bateratua ezarrita. Eremu zehatzak finkatuta prezioak guneen arabera aldatuko lirateke, eta erabileraren araberako deskontuak egongo lirateke Gipuzkoako Foru Aldundiaren proposamenaren arabera.

Gipuzkoan, Araban eta Bizkaian erabiltzeaz gain, Nafarroara eta Ipar Euskal Herrira sistema hedatzea ere aurreikusten du Aldundiak, bertako erakundeen onespena baldin badute.