ARGIA.eus

2021eko urriaren 22a

Frantziatik Saudi Arabiara armak eraman ez ditzaten borroka legala

  • Frantziako ekintzaile talde batek salaketa aurkeztu du, Marseillan porturatu den Saudi Arabiako barkua blokeatzea helburu. Ekintzaileek diotenez, Frantziak saldutako obusak eraman nahi dituzte bueltan, Yemengo gatazka lazgarrian erabiltzeko. Ez da blokeoa egiten duten lehen aldia.

ARGIA @argia
2019ko maiatzaren 29a

Duela bi aste, Saudi Arabiako beste barku bat kargamenturik gabe atera zen Frantzia iparraldetik, mehatxatu baitzioten ez ziotela armekin itsasoratzen utziko. Orduan ere, ACAT taldeak helegitea aurkeztu zuen, armak Yemengo herritarren aurka erabili zitezkeela eta beraz Nazio Batuen ituna urratzen zela argudiatuta.

ACAT taldearen hitzetan, armak Saudi Arabiara iritsi ez daitezen herritarrak eta gizartea mobilizatzea da euren helburua. Hala jaso du Al Jazeerak.

Saudi Arabiako barku konpainia honetako ordezkariak adierazi du gezurra dela armak eramateko asmoa dutenik. Dena den, harritzekoa ez litzatekeela izango adierazi du Frantziako Defentsa ministroak, Saudi Arabiarekin akordioa dutela gogoratuz.

Frantziako tankeak eta misilak herritarren aurka

Pasa den apirilean azaleratu zenez, Yemengo gerran herritarren aurka Frantziak Saudi Arabiari saldutako armak erabili dira, tartean tankeak eta misilak.

NBEren arabera, Yemengo gatazka da munduko krisi humanitariorik latzena. 3,3 milioi herritar desplazatu ditu gerrak, 24,1 milioi laguntza beharrean daude eta 2015ean gatazka hasi zenetik 10.000 lagun inguru hil dira.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Armagintza  |  Frantzia  |  Saudi Arabia  |  Yemen

Armagintza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude