Francoren deshobiraketa egiazko oroimen historikoari aurre ez egiteko sasi keinu nahasgarri gisa

  • Baliteke iritzi artikulu honen izenburuak hainbat irakurle harritu izana Oroimen historikoa bere balioa galtzen ari den garai hauetan, zerbait etereo eta zuria bilakatu arte (Egia, Justizia, Erreparazioa eta berriz ez gertatzeko Bermeak printzipioetatik erabat urrunduta), ezin dugu kritikatu besterik Francoren momiaren inguruan burutzen ari den operazio kosmetiko hutsala. Espainiako gobernuko presidenteak bere burua zuritzeko tamainako operazio kosmetikoa da hain zuzen, non memoria historikoa erabili nahi duen keinu laino gisa, gai honetan zerbait egiten duela adierazteko, baina hori bai, gehiegi “busti” gabe.

Eusko Lurra fundazioa @euskolurra
2019ko urtarrilaren 11

Trantsizio garaian, “bake eta adiskidetze nazionala”ren mesedetan, Erregimen Frankistak eragindako gizateriaren aurkako krimenak amortizatu zuen PSOE berbera, “1977ko Amnistiaren legea”, (“ley del punto final” ere deitutakoa) hain eredugarritzat definitzen duen berbera, guzti honen buru jartzen da. Nazioarteko legeria guztiek aitortuta zituzten biktimen eskubideak zapuztu zituen alderdi burua, orain Oroimen historikoaren itsasontziko lemazaina izendatu nahi du bere burua, Francoren momiaren inguruan muntatutako ekaitz mediatiko hutsarekin. “Gatopardo” bezala: zerbait aldatzen doala sinestarazi, azkenean ezerez aldatzeko; Franco hobitik ateratzea trantsizioko iruzur itzela oraindik gehiago finkatu, eta aldi berean Erregimen Frankista kriminala eta ondorengo oinordekoen erabateko inpunitatea irauteko eta mantentzeko erabili.

Zeren arazoaren muina ez da Francoren momia hilobitik atera ala ez, baizik eta Espainiako erakunde publiko zein pribatu guztietan (Armadan, Epailetzan, Eliza katolikoan, Polizian, Hezkuntzan, Alderdi politikoetan, komunikabidetan...), erroetaraino txertatuta dagoen  frankismo infiltratua azaleratzea eta hortik kentzea.

Hobe litzateke diktadorea amaraunen artean eta naftalina katoliko-benediktinoen artean, bere mausoleoan jarraitzea baina diru laguntza publikorik jaso gabe eta Espainiako Estatuak bere osotasunean egin beharrekoa behingoz egitea, hau da, bere barneko arrasto faxistak eta frankistak betirako astintzea eta garbitzea.

Diktadorea “Valle de los Caidos”tik ateratzea faxismoa goraipatzeko beste santutegi batera eramateko Elizaren bedeinkapenarekin, da, hain zuzen, saihestu beharrekoa. Faxismoaren  biktimen enegarren umilazioa bihur ez dadin eta genozidioren ukapenaren jarraitzaile multzoaren inpunitateak, nahiz maila pertsonalean, nahiz komunikabide taldeetan edota antolakunde politikoetan, jarrai ez dezan.

Francoren deshobiraketa, “bake nazionalari”,“ereduzko trantsizioari” eta Espainiako “ereduzko demokrazia monarkikoari” kantu berri bat bihurtzea tristea litzateke (eta beste behin, betikoen inpunitatearen gainean eraikitakoa).

Eraildako milaka iraultzaileek, errepublikazaleek, abertzaleek (hauetako batzuk EAE-ANVko ezker abertzaleko militanteak), non genozidak eta bere jendailek hauen hilobia arpilatu zuten, ondotik bortxaz Diktadorearen mausoleoan hilobiratuak izateko, biktimak izanda, zerbait gehiago merezi dute; eta haien oroimenaren alde ere, zerbait gehiago merezi dute. Guztiaren gainetik Egia, Justizia, Erreparazioa eta berriz ez gertatzeko Bermeak merezi dute. Jakina,  PSOEko gobernuaren amarru folklorikoek ez dute, ezta urrutitik ere, horrelakorik eskaintzen.

Alberto Muñoz Zufia  eta Txarli Gonzalez Llorente

Eusko Lurra Fundazioko kideak

 

 

 

Euskal Herria, 2019ko urtarrilaren 10a.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Oroimen historikoa  |  Iritzia  |  Frankismoa

Oroimen historikoa kanaletik interesatuko zaizu...
2019-03-22 | Uztarria
Pasaiako segadaren 35. urteurrenean, estatu indarkeriak hildako hainbat pertsona oroituko dute Azpeitian

Pasaiako segadaren 35. urteurrenean, estatu indarkeriak hildako hainbat pertsona oroituko dute. Larunbatean izango da ekitaldi nagusia, Azoka Plazan. Ostiralean, lore eskaintza egingo dute, monolitoan. Erakusketa ere zabaldu dute. Pasaiako segadan hildakoen senideak Nazio Batuetako erakundeetara jotzea aztertzen ari dira.


2019-03-12 | Guaixe .eus
Otsaportilloko lezea Memoria Historikoaren Toki izendatu du Nafarroako Gobernuak

Nafarroako Gobernuak Memoria Historikoaren Tokien Erregistroan inskribatu du. Nafarroako Memoria Historikoaren Tokiei buruzko 29/2018 Foru Legeak ezartzen duen prozedurari jarraikiz, Otsaportilloko lezea Nafarroako memoria historikoaren toki deklaratu zuen Nafarroako Gobernuak hilaren 1ean.


2019-03-11 | ARGIA
Sebas Goikoetxea eta Nikolas Mendizabal gogoratu dituzte, 42 urte geroago

Guardia Zibilaren kontrol batean hil zuten ibartarra 1977an, Nikolas Mendizabal kidearekin batera. Martxoaren 8an, urtero bezala, gogoan izan zituzten senideek.


Martin Villa pertsona 'non grata' izendatu du Arrasatek eta haren krimenak ikertzeko eskatu du

Intxorta 1937 elkarteak mozioa aurkeztu du martxoko osoko bilkuran barne ministro ohiaren krimenak aztertzeko  eta alderdi guztien babesa jaso du. Bihar, Donostian, Jesus Muñecas-en aurka kereila jarriko du Arantxa Markaide arrasatearrak, eta horren bezperan onartu dute mozioa, eta baita frankismoko krimenen inpunitatearekin lotutako adierazpen instituzionala ere.


2019-03-01 | Hala Bedi
Bideoa
Martxoaren 3a, defendatu beharreko memoriaren barrikada

Letra eta irudiekin bildu ditu Errekaleor Bizirik!-ek Gasteizko Martxoaren 3ko gertakari lazgarriak. Igandean 43 urte beteko dira sarraskia gertatu zenetik, orduko irudiak erabili ditu auzo askeak Romualdo Barroso bizilaguna eta gainontzeko langileak oroitzeko.


Burdin Hesia eta Bilboko defentsak kultur ondasun izendatu ditu Jaurlaritzak

Eusko Jaurlaritzak kultur ondasun kalifikatu ditu Burdin Hesia eta 1936 altxamendu frankistari lotutako Bilboko defentsak, monumentu multzo kategorian. Erabakiaren helburua da defentsa horrek ondasun gisa duen balioa aldarrikatzea, bere esanahi historikoa gogora ekartzea eta, ikuspegi materialetik, egitura bera babestea. Burdin Hesiak 80 kilometro baino gehiagoko defentsa egitura hartzen du, eta kostaldean jaio eta hiltzen den eraztun bat eratzen du. Hedadura horrek 33 udalerri barne hartzen... [+]


2019-02-28 | Uriola.eus
Etxebarrieta Memoria Elkarteak ekintzak antolatu ditu hurrengo hilabeteetarako

Emakume langileak, euskara eta frankismoaren errepresioa izango dira hizpidetako hainbat.


2019-02-22 | Axier Lopez
Martin Villa barne ministro frankista pertsona "non grata" izendatu du Gasteizko Udalak

Ostiralean Gasteizko udalbatzak onartu du Frankismoaren aurkako plataformak sustatutako mozioa, EAJ, EH Bildu, Podemos eta Irabaziren aldeko bozekin. PP eta PSE-EE kontra azaldu dira. 1976ko martxoaren hiruko sarraskiaren arduradun politikoetako bat da Rodolfo Martin Villa.


2019-02-20 | Uztarria
Kandido Saseta Eusko Gudarosteko komandantea oroituko dute haren senideek larunbatean Loiolan

Loiolan eratutako Eusko Gudarosteko buru izan zen Kandido Saseta, eta zapatuan 82 urte beteko dira hura hil zela. Haren senideek lore eskaintza egingo dute komandantearen oroimenez, eta Azpeitiko Udalari memoria berreskuratzeko egin duen lana aitortuko diote. Udalak 2017an Saseta oroitzeko irudia jarri zuen Arrupe Hotelaren aurreko zelaian. Leku horretan egingo dute zapatuko lore eskaintza, 12:00etan.


German Agirreren hilketa, argitu gabeko krimena

Aurreko artikuluan aztertu genuen Araban gertatutako gerra zikinaren lehenengo atentatua, orain, aldiz, urte berean gertatutako beste ekintza lazgarriago bat gogoratuko dugu, German Agirre Irasuegi taxilari arrasatearraren hilketa Legution. Barne Ministerioa eta Biktimen Elkarteen zerrendetan ETAko biktimatzat hartzen badute ere, errealitatea bestelakoa da, eta Guardia Zibilaren itzala bere hilketaren atzean omen da.


Azkenak
EGILEA
Eguneraketa berriak daude