Terrorismoaren Biktimen Oroimenerako zentroari Gasteizko Urrezko Domina ematearen aurka mobilizatuko dira oroimenaren aldeko elkarteak
Abuztuaren 5ean emango dio domina zentroari Gasteizko Udalak, eta abuztuaren 2rako elkarretaratzea eta prentsaurrekoa deitu du Memoria Osoa plataformak. Martxoak 3 elkarteak salatu du “planteamendu diskriminatzailea” eta “irakurketa partziala” egiten duela zentroak.
Gasteizko Andre Maria Zuriaren jaietan, abuztuaren 5ean, Terrorismoaren Biktimen Oroimenerako Zentro Fundazioari hiriaren Urrezko Domina emango dio Gasteizko Udalak, eta erabakiak kritika ugari piztu ditu. Memoria osoa bizikidetzaren alde plataformak –hala nola Martxoak 3 elkarteak, Egiari Zor Fundazioak eta Gernika Batzordeak osatzen dutena– zentroaren izaera kritikatu zuen 2020an sortu zenean. Plataformak arrazoitu zuen osatzen duten taldeek “bizikidetza eraikitzeko erabaki irmoa” dutela eta “erronka kolektiboa” izan behar duela, baina zentroak “planteamendu diskriminatzailea” egiten duela. “Irakurketa partziala” egiten duela salatu du plataformaren bultzatzaile den Martxoak 3 elkarteak.
Gasteizko Urrezko Domina emateko erabakiaren aurrean, plataformak mobilizazioa eta prentsaurrekoa antolatu ditu abuztuaren 2an 12:30etan Gasteizko Plaza Berrian. Martxoak 3 elkarteak sare sozialen bitartez adierazi du "erabat umiliagarria eta lotsagarria” dela “Gasteizko Udala bezalako Erakunde publiko batek biktimen arteko diskriminazioa betikotzen duen Zentro Memorialaren eredua saritzea”.
Gasteizko alkate Maider Etxebarriak zentroari urrezko domina emateko hiru ideia bereizi zituen, "terrorismoaren biktimek gorpuzten dituzten balio demokratiko eta etikoak zaintzea eta zabaltzea, biktimen memoria kolektiboa eraikitzea eta herritar guztiak kontzientziatzeko lana, askatasunaren eta giza eskubideen alde eta terrorismoaren aurka egiteko". Horrez gain, adierazi zuen “turismo-baliabide berri bat” bihurtu dela zentroa, ireki zenetik 85.000 pertsona inguru bertaratu direlako.
Melitón Manzanas bai, martxoak 3ko biktimak ez
EH Bildu ere urrezko domina ematearen kontra azaldu da, eta Memoria osoa plataformaren ekimenaren alde. “EH Bilduk biktima guztiak aintzat hartu eta babestuko dituen memoria inklusiboa eraikitzearen alde egin du, salbuespenik gabe”, adierazi du alderdi politikoak. Martxoak 3 elkarteak eta EH Bilduk gogorarazi dute Gasteizko zentroa 29/2011 Legean oinarritzen dela –Terrorismoaren Biktimen Aitorpenerako eta Babes Integraleko legea– eta horren definizioak jasotzen duela “1960ko urtarrilaren 1etik erregistratutako terrorismo-adierazpen guztien biktimekiko aitorpen, errespetu eta elkartasun-zeinua" izan nahi duela. Salatu dute planteamendu horrek kanpoan uzten dituela “estatuaren aparatuek data horretatik aurrera eragindako giza eskubideen urraketen milaka biktima”, nahiz eta onartu duten biktima batzuk jaso direla Eusko Jaurlaritzak eta Nafarroako Gobernuak onartutako legeetan. Zentroak "abuztuoro Melitón Manzanas torturatzailea eta Gestapoko kolaboratzailea" omentzen duela salatu du EH Bilduk, eta ez, aldiz, 1976ko martxoak 3ko biktimak.
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]