BBK Live jaialdia salatu du FACUAk, “hainbat arau hauste” egin dituela argudiatuta

  • Besteak beste, kanpoan erositako janariak eta edariak barrura sartu eta kontsumitzeko debekua ezarri zuten. FACUAk dio jaialdiaren helburua musika dela, eta ez ostalaritza.


2023ko abuztuaren 02an - 10:01
Azken eguneraketa: 12:30

FACUA kontsumitzaile elkarteak Bilboko Udalaren eta Kontsumobideren aurrean salatu du BBK Live jaialdiaren enpresa antolatzailea, Last Tour. Kanpoko janaria eta edaria sartzea debekatu zuen, baita eskudirutan ordaintzea ere; FACUAren esanetan jaialdiaren dedikazioa musika da, eta ez ostalaritza jarduera.

Horrez gain, nabarmendu du jaialdiaren barruan elikagaiak eta edariak prezio oso altuak zituztela. Sareetan erabiltzaile batek prezio taula hau zintzilikatu zuen:

Bestalde, cashless eskumuturrekoaren bidez ordaintzeko sistema ezarri zuen Last Tour enpresak, eta horixe zen eremu barruan ordainketak egiteko modu bakarra. Eskudirutan ordaintzeko aukerarik ez egoteak Kode Zibila eta Euskadiko Kontsumitzaileen eta Erabiltzaileen Estatutuaren Legea urratzen dituela dio FACUAk.

Valentzian, Pirata Beach Festival-eko lan iruzur kasua salatu du CNT sindikatuak

Sindikatuak esan duen moduan, jaialdiaren enpresa antolatzaileak, Black Lotus SL, lanarengatik ordainketarik jaso ez dituzten boluntarioak erabili dituzte “pertsonal gastuak eta Gizarte Segurantzaren kuotak jaisteko”, eta hori “iruzurra izan daitekeela” adierazi dute.

Boluntarioak eta kontratatutako pertsonak gauza berdinak egiten egon zirela esan dute, legearen aurka. Gainera, langileek esplotazioa salatu dute. “Barran egunero 10-12 orduz egoten ginen, eta bakarrik 20 minutuko atsedenaldia genuen” salatu du festibalean lan egiten egon zen Lucia Navarrok. Batzuk beltzean kobratu dutela salatu dute, edo lan-jornadaren erdia kotizatu dutela. “Ia esklabotza baldintzak ziren”, adierazi du Navarrok.


Kanal honetatik interesatuko zaizu: Kontsumitzaileen eskubideak
2023-08-04 | Ilargi Manzanares
Hainbat ‘lowcost’ hegazkin konpainiei zigorra ezarri diete eskuko ekipajeen gainkostuengatik

Espainiako Kontsumo Ministerioak zigortu ditu Ryanair, Vueling, Easyjet eta Volotea enpresak.


Eusko Jaurlaritzak 123.000 euroko isuna jarri dio Kutxabanki “arau-hauste larriengatik”

Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.


2022-11-25 | ARGIA
Black Friday eguneko beherapenen %99 iruzurra dira, OCUk salatu duenez

OCU Espainiako Kontsumitzaileen Elkarteak online enpresa handien 16.000 produktu ikertu ditu azken hilabetean, gehienbat gailu elektronikoak eta etxetresnak. Prezioak puztu egiten dituzte eta gero beherapena egin, baina ez igo bezainbeste: batez beste %3 garestitu dituzte... [+]


Espainiako bankak ta energia multinazionalek milioika euro irabazten jarraitzen dute, datuek erakusten dutenez

Herritarren txirotze orokortuaren testuinguruan, gutxiengo batek aberasten jarraitzen du, Oxfam gisako eragileek urtero egindako azterketa ekonomikoek erakusten dutenez. Enpresa askok aurten lehen sei hilabetean izandako emaitza ekonomikoen berri izaten ari gara asteotan, eta... [+]


2019-01-22 | Mikel Zurbano
Ez da low cost

Kostu apaleko edo low cost ekonomia indarrez hedatzen ari den errealitatea da, nahiz eta zaila den bere tamaina zehaztea. Ez da erraza neurtzea sarritan katramila edota merkataritza amua baino ez dena. Nolanahi ere, ekonomia krisiaren ondoren biztanleriaren zati handi baten... [+]


Eguneraketa berriak daude