Ibilgailu Gidaridunen zerbitzua jasotzeko, ordu erdi lehenago deitu beharko zaie EAE-n

  • Uber enpresa multinazionalak martxan jarri du bere ibilgailu sarea Bizkaiko hiriburuan eta inguruetan. Bezeroek ordu erdi lehenago egin beharko dute eskaera ibilgailu gidaridunen zerbitzua erabiltzeko Euskal Autonomia Erkidegoan.

Igor Galarza Intxausti @IgorGalarza
2019ko azaroaren 04a

Astelehenean batzartu dira hiru aldeak (taxisten ordezkariak, Alokairuko Ibilgailu Gidaridunen (AIG) enpresen ordezkariak eta Eusko Jaurlaritzaren Garraiorako Plangintza taldea) adostasunera iristeko Gipuzkoan, Araban eta Bizkaian gi garraio ereduen bizikidetza arautzeko. Adostu dutenez, ibilgailu gidaridunen zerbitzu bat jasotzekotan hori eskatu beharko dute gutxienez ordu erdi lehenagotik eta, beraz, ibilgailu gidaridun horiek ezin izango dira kalean bueltaka ibili bezero bila.

Taxisten Euskal Federazioak “IG autoek arauak errespeta ditzatela” eskatzen du. Izan ere, Deia-n argitaratutako adierazpenen arabera, federazioko presidente Borja Musonsek jakinarazi du “auto horiek, noraezean, gauez bezero bila” aritu izan direla Bilboko kaleetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Garraioa  |  Eusko Jaurlaritza  |  Gipuzkoa  |  Araba  |  Bizkaia  |  Bilbo  |  EAE

Garraioa kanaletik interesatuko zaizu...
Azkenak
EGILEA
Eguneraketa berriak daude