#EzDuguAhaztuko: Krisiaren ondorioak zerrendatzeko kanpaina abiatu dute Frantziako Estatuan
On n'oubliera pas! kanpaina sareratu dute: "Oso azkar, dena ahaztu nahi izango dute. Guk ez ordea. #EzDuguAhaztuko", irakur daiteke beren webgunera sartu eta berehala. 'Post-it'-etan osasun krisi honetatik ateratako ondorioak idatzi, eta sare sozialetan argazkiak igoz ideiak kolektibizatzea da asmoa.
Euskaratu egin dugu kanpaina aurkezteko darabiltzaten testua. Jarraian, osorik irakurgai:
"Zer egin, konfinamendu garaiotan, ez bada gero datorrena prestatzea? Horregatik, gure memoriarako eginbeharra jorratuko dugu. Izan ere, oso azkar ahaztu nahiko dute, ezabatu: ahaztu beren ezgaitasuna, "ez dago testak egin beharrik", "ez da maskaren beharrik", esan ziguten, beren eskasia "doktrina" bilakatuz. Ahaztu ezazu koronabirus garaietan Frantzia aurrera atera dela ondorengoen bizkar: simili-smicards, zaintzaileak, supermerkatuetako ordainlekuetako langileak, banatzaileak, garraiolariak. Ahaztu ezazu hitz eman zutela, nahiz eta une labur batez, ekonomiak jada ez zuela bizitza zapalduko.
Parte hartzeko: idatzi sare sozialetan (Facebook, Twitter, Instagram...) #OnNoublieraPas traola erabiliz. Igo zeure buruaren argazki bat post it batekin, non idatziko duzun zure haserrearen adibide bat, edo oinarri berrien gainean etorkizuna eraikitzen jarraitzeko esperantza bat.
Inspirazioa falta zaizu? Badugu zenbait adibide zuzenean txiokatzeko. Ez daukazula post-it-ik etxean? Edozein pantaila erabil dezakezu pertsonalizatutako mezua zabaltzeko."
Sarean dagoeneko dozenaka dira ospitaleetatik, beren etxeetatik, lanpostuetatik... bidaltzen ari diren mezuak. Lotura honetan ikus daitezke.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.