Emakumeak borrokan

Ez dituzte Espainiako Zigor Kodeko sexu-delituak berrikusiko batzordeko emakume eta gizonen kopurua berdina izan arte

  • Zigor Kodean sexu-delituen balizko erreformari buruz eztabaidatu behar zuen ostiralean aditu talde batek, baina bere egitekoa bertan behera uztea adostu dute, harik eta lantaldean “gizon eta emakumeen arteko oreka” ziurtatu arte.

Maddi Txintxurreta @mtxintxurreta
2018ko maiatzaren 11
\"La Manada\" auziaren epaiaren aurka kalera atera ziren milaka emakume Iru˝ean (Arg: El Salto)

“La Manada” auziaren epaia jakin zenean, Rafael Catalá justizia ministroak ateak ireki zizkion Zigor Kodearen balizko erreforma bati, eta Zigor Kodifikazioaren Batzordeari eskatu zion erreforma beharrezkoa den edo ez aztertzeko.

Batzorde hau hogei gizonez osatuta dago, ez dago emakumerik taldean. Asteazkenean, Espainiako Gobernuaren kontrol saioan, PSOEk eta Unidos Podemosek batzordean berdintasuna bermatzea galdegin zioten justizia ministroari. Hori egin beharrean, Catalák sei katedradun gonbidatu zituen bakar-bakarrik auzi honetan laguntzeko. Horietatik lauk gonbidapena ukatu zuten, “partxe” modura erabili zituztela argudiatuz. Azkenean, lau emakumek hartu dute parte ostegun honetako bileran, hogei gizonekin batera: Avelina Alonso, Blanca Hernandez, Carmen Lamarca eta Victoria Ortega.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Sexu Erasoak

Sexu Erasoak kanaletik interesatuko zaizu...
Azkenak
EGILEA
Eguneraketa berriak daude