“Ez dago inolako konpromisorik osasun arreta hobetzeko”
Nafarroako Osasun plataformak salatu du Osasun aurrekontuetan gabeziak daudela, eta pribatizatzeko joera daukala Nafarroako Gobernuak.
aurre egingo dieten hedabide independenteak
Carlos Artundo Nafarroako Osasun zuzendari nagusiarekin bildu dira Nafarroako Osasun plataformako kideak, osasun publikoaren aurrekontuez hitz egiteko, eta osasun sisteman “betikotzen” ari diren zenbait gabezia salatu dituzte Jose Donlo Becerrilek, Mari Sol Saiz Ajak eta Félix Zabalza Irigoyenek, Nafarroako Osasun plataformako kideek. “Zalantzan jartzeko modukoa da Nafarroako Gobernuak osasun-sistema publikoarekin duen konpromisoa”.
Plataformaren hitzetan, Oinarrizko Osasun Laguntzarako Plana “oraindik” paperean idatzita dago, eta ez praktikara eramaten: “Ez dago inolako konpromisorik arreta hobetzeko; legealdi osoan jabetu gara horretaz eta pandemia aitzakia ederra izan da”.
Altsasuko egoerari ere heldu diote, eta azpimarratu dute osasun arloko langile falta egotea “onartezina” dela: “Profesionalok eta herritarrok nazkatuta gaude egoera hori jasateaz”. Beharrezkoak diren langile guztiak kontratatzea eskatu dute, zentroko gainerako langileengan gainkargarik ez uzteko.
Osasun zentroak profesional berriekin indartzeko konpromisoan, "kea saldu" dutela salatu dute: "124 erizain behar diren lekuetan, 41 kontratatu dituzte"
Bestalde, salatu dute Primariarako Erronka txostenean Nafarroako Osasun Departamentuak osasun zentroak profesional berriekin indartzeko konpromisoa ez dutela guztiz bete, eta “kea saldu” dutela: “124 erizain behar diren lekuetan, 41 kontratatu dituzte; biztanle gehien dituzten zentroetan, erizaintzako zainketa osagarrietako 12 teknikari beharko lituzkete, baina 5 daude gaur egun; psikologiako 16 profesional beharko lirateke, eta 3 kontratazio baino ez dira egin, eta, azkenik, 11 administrari beharko liratekeen tokian, 5 daude”.
Horrez gain, Nafarroako Gobernuaren “konpromiso falta” kritikatu dute: “Ez dute borondaterik Osasun Laguntza indartzeko; lan baldintza prekarioak hobetzeko; eta gehiegizko lan karga murrizteko”. Konpromiso falta hori aurrekontuetan sumatzen dela diote.
Pribatizazioa
Bileran ez zuten mutualitateen inguruan hitz egiteko astirik izan, baina aurrera begira landu beharreko zenbait auzi nabarmendu dituzte: Mutualitateek Osasunbideako historia klinikoak eskuratu ahal izatea “arriskutsua” dela; osasun pribatua “indartzen” dutela osasun publikoaren bidez; eta erabiltzaileek mutualitateen sisteman eskubide falta dutela.
Gaineratu dute beste gai batzuk ere bileratik kanpo geratu direla; hala nola, Artundok baliabideak pribatura bideratzearen alde egin zuela; ez zituela aipatu aparteko orduak; farmazia gastuen murrizketak; eta mendekotasuna osasun sistema publikotik artatzea.
“Kontuan hartu behar dira osasun-sistema publikoaren defentsarekin konprometitutako erabiltzaileen beharrak eta konponbideak”, eskatu dute Nafarroako Osasun Plataformako kideek. Hortaz, datorren aurrekontuetarako eta Nafarroako Osasunari buruzko Foru Legearen oinarriak ezartzeko lantalde parlamentarioan parte hartzeko kontuan hartzea exijitu dute.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]