Eusko Legebiltzarrak Madrilgo zentralismoa salatu du, PP bakarrik utziz
Ezohiko irudia eskaini dute gaur alderdiek Eusko Legebiltzarrean eta, PP bakarrik utziz, Madrilgo Gobernuak Eusko Legebiltzarraren ekimenetan duen eskuhartzea salatu dute EAJk, EH Bilduk, PSE-EEk eta Elkarrekin Ahal Duguk.
Aspaldikoa da jarrera hau eta Madrilgo birzentralizazio politika gero eta ageriagokoa da. Eusko Legebiltzarrarekiko, azken urteetan Espainiako Gobernuak hiru lege eraman ditu Auzitegi Konstituzionalera: estatu indarkeriaren biktimen aitortza eta erreparaziorako legea, frakingaren aurkako legea eta Etxebizitza Legea.
EH Bilduk aurkeztu du legez besteko proposamena Jone Goirizelariaren bidez eta bertan salatzen da autogobernuaren aurka Madrilek duen jarrera eta berau albora dezala eskatzen da. Eusko Legebiltzarraren eta Eusko Jaurlaritzaren hainbat lege eta arauren aurkako helegiteak eta debekuak jartzen ari dira azkenotan, besteak beste, Eusko Jaurlaritzak 35 orduo lan asteaz hartutakoa.
Madrili Eusko Legebiltzarra eta Eusko Jaurlaritzarekiko begirunea eskatzeaz gain, Auzitegi Konstituzionaleko kideen pluraltasuna bermatzeko neurriak har dezan ere eskatzen zaie Madrilgo agintariei, gaur egun ez duelako ordezkatzen Espainiako Estatuaren pluraltasuna.
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
EAJ, EH Bildu eta PSE-ren babesarekin atera da aurrera. Erregai fosilen desinbertsiorako plan bat gauzatu beharko du Jaurlaritzak. Helburu nagusia 2050rako EAEn karbono emisioak zerora murriztea da.
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]