Oihalezko maskarak erabiltzea debekatu du Jaurlaritzak Gipuzkoako eta Bizkaiko osasun-zentroetan

  • Horren ordez, instalazioen atarietan maskara kirurgikoak banatzea erabaki du, “zalantzagarritzat” jo baitute ohialezko musukoen eraginkortasuna.


2020ko irailaren 30an - 12:13
Oihalezko musukoak debekatzen hasi dira.

Osakidetzak debekatu egin du Gipuzkoako eta Bizkaiko ospitaleetan eta beste osasun-zentro txikiagoetan oihalezko maskarak erabiltzea. Neurria bete dadin, maskara kirurgikoak banatzen hasi da bere zentroen sarreretan.

“Babes-elementu horiek homologatuta daudela edo gomendatutakoa baino denbora gehiago erabiltzen ez direla ziurtatzeko ezintasunak” eragindako erabakia dela aitortu dute. Herrialde Katalanetan, Valentziako Ospitale Orokorrak ere neurri bera hartu du, erabiltzaileen segurtasuna bermatzeko asmoz.

Izan ere, ohartarazi dutenez, maskarak erostean, maiz pisu handiagoa ematen omen zaio itxura estetikoari funtzionaltasunari baino. Valentziako Unibertsitatearen ikerketa batek ondorioztatu duenez, hiru valentziarretik bik "eraginkortasun zalantzagarriko" maskara daramate. 800 pertsonatik gorako lagina ikertu dute, eta %61ek ez zekien zeraman maskarak arau berria errespetatzen zuen ala ez.

Dena den, pandemian zehar maskararen erabilpenaren inguruko irizpide argien faltak edo horien aldakortasunak nahasmena sortu du biztanleriarengan. Hasieran maskaren beharrezkotasuna zalantzan jarri zuen Espainiako Osasun Ministerioak berak; gero, aldiz, derrigorrezko bihurtu dituzte.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude