Eusko Jaurlaritzak kilometroko 0,29 euro emango dizkie eskola-garraiorik gabe egon diren familiei

  • Irailaren 27tik urriaren 27ra arteko epea izango dute eskaria aurkezteko. Aste honetan hasi dira garraio-enpresak zerbitzua berriz ematen, Hezkuntza Sailarekin elkarrizketari ekitea adostu ondoren.


2023ko irailaren 19an - 11:05
Azken eguneraketa: 14:08
Garraio zerbitzuaren egoera salatzeko mobilizazioak egin dituzte, besteak beste, Aiaraldean, Gasteizen eta Añanan. (Argazkia: Aiaraldea)

Eusko Jaurlaritzak kilometro bakoitzeko 0,29 euroko dirulaguntza emango die kurtso hasieran eskola-garraio zerbitzurik gabe egon diren familiei. Bizileku bakoitzetik ikastetxera dagoen distantzia hartuko dute kontuan kalkuluak egiteko.

Jokin Bildarratz Hezkuntza Sailburuak astearteko gobernu bileran onartu du deialdia; guztira, milioi bat euro bideratuko dituzte horretara. Familiek dokumentu bat bete eta ikastetxeko zuzendaritzan aurkeztu beharko dute laguntza eskatzeko. Sailburuak adierazi du dirua "denbora tarte labur batean" jasoko dutela.

Diru-laguntza eskatu ahal izango dute Haur Hezkuntzako 3., 4., eta 5. mailakoek, Lehen Hezkuntzakoek, Derrigorrezko Bigarren Hezkuntzakoek eta Oinarrizko Lanbide Heziketakoek.

Astebete baino gehiago zerbitzurik gabe

Kurtso hasieran ez dute eskola-garraio zerbitzurik jaso Araba eta Bizkaiko 7.000 ikasle inguruk. Lizitatu gabe geratu ziren ibilbide gehienak urtearen hasieran. Jaurlaritzak garraio enpresak behartu nahi izan zituen iazko ibilbide berak egitera, baina planto egin zuten. Astelehenean hasi dira berriz zerbitzua eskaintzen, Hezkuntza Sailak eta garraio-enpresek elkarrizketari ateak ireki ostean.


Irakurrienak
Matomo erabiliz
#1
#4
Maite Díaz de Heredia Ruiz de Arbulo
Azoka
Kanal honetatik interesatuko zaizu: Garraioa
Larunbatean manifestazioa egingo dute Altsasun: "Trena benetako garraiobide bihurtu dadin"

AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Gaueko trenen bigarren aukera? Hegazkinaren alternatiba astiro doa

Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


EAJk atzera egin eta Barik txartelaren deskontua mantenduko dute

Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.


Eguneraketa berriak daude