Eusko Jaurlaritzak azokak debekatu eta nekazariak sutu ditu

  • Eusko Jaurlaritzak herrietako azokak debekatu ditu asteazkenetik hasi eta alarma egoera iraun bitartean. Alarma egoera amaitzen denerako neurri zorrotzak ezarri ditu ere. EHNE Gipuzkoa eta ENBA nekazarien elkarteak oso haserre agertu dira erabakiarekin.


2020ko apirilaren 08an - 19:39
Ordiziako azoka. Argazkia: Enba.es

EAEko aldizkari ofizialak asteazkenean publikatu du Osasun sailburu Nekane Murgaren agindua: “Elikagaiak eta nekazaritzako eta abeltzaintzako produktuak zuzenean saltzeko merkatu eta azoka tradizionalen jarduera aldi baterako etetea ezartzen da”. Alarma egoera amaitzean egin ahal izango dira merkatuak berriro.

Behin merkatuak irekirik, eta Osasun Sailak egoera bere onera bueltatu dela iritzi bitartean, neurri bereziak eta zorrotzak bete beharko dituzte nekazariek. Saltokien artean gutxienez sei metroko distantzia egon beharko du, eta postu bereko langileen artean bi metroko distantzia gorde beharko da, besteak beste.

EHNE Gipuzkoa eta ENBA, oso haserre

Agindua publiko egin eta ordu gutxira EHNE Gipuzkoak zein Euskal Nekazarien Batasunak (ENBA) haien haserrea agertu dute. “Aski da!”, esan du EHNEk, erabaki “ulertezina” eta “tamalgarria” dela salatu du ENBAk.

EHNE Gipuzkoak Eusko Jaurlaritzaren nekazarien aurkako “tema” salatu du: “Baserritarrok gure produktuak saltzetik bizi gara. Egoera dagoeneko zaila baldin bada, ulergaitza da beste oztopo bat jartzeko tema hori”. EHNEk zalantzan jarri du Jaurlaritzak neurri hori hartzeko eskumenik ote duen ere: “Azokak udal eskumena dira, eta osasun neurriak, une honetan, estatuaren eskumena”. Beste lurralde batzuetan merkatuak egiten ari dira, EHNEren esanetan, hala nola Katalunian.

Azkenik, EHNEk azoken garrantzia defendatu du: “Herrietako elikagai denda txikiak bertako produktuak komertzializatzen direla bermatzen duten guneak dira. Horiek denak tokiko ekonomika indartzen dute, baita herritarren lanpostuak ere”.

ENBAren irudiko, aginduak Jaurlaritzaren deskoordinazioa agerian uzten du. “Osasun Sailak azokak debekatzen dituen egun berean, Merkataritza sailak Merkatuak babesteko kanpaina hasi duelako, hitzez hitz, elikagai fresko eta bertakoaz hornitzeko guneak betetzen duten papera aldarrikatuz”. Eusko Jaurlaritzari eta EUDELi exijitu die merkatuak sustatzeko eta elkarlanean aritzeko.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude