"Euskara ikasi dudanetik hobeto bizi naiz, oso eroso euskal komunitatean"

  • Cira Crespo historialari, idazle eta feminista kataluniarra elkarrizketa du Ainhoa Pardinak. Berria egunkarian argitaratu zuen Hizkuntza bakarra dut, eta ez da nirea artikulua irakurri ondoren gogotsu geunden Hala Bedi irratiko Hizpidea saiora gonbidatzeko. Urteak dira Gasteizen bizi dela eta euskarari buruz bezala, katalan hizkuntzaren inguruan galdetu diogu.

Artikulu hau CC BY-SA 4.0 lizentziari esker ekarri dugu.

2023ko apirilaren 21an - 07:05
Cira Crespo historialari feminista, 2020an argitaratu zuen 'Baginen' liburua eskuetan. (Argazkia: Endika Portillo / Foku)

Gasteizen bizi den historialari eta idazle feminista kataluniarra da Crespo. Katalana da bere etxeko hizkuntza, kontatzen duenez, bere amari esker, familia osoari eskatu baitzion beren artean gaztelaniaz egin arren, Cirarekin katalanez egiteko.

Euskaraz ikasten hasi zen mutil laguna euskalduna zuelako, eta gerora Euskal Herrira etorri da bizitzera. "Guztiz aberasgarria izan da euskara ikastea, sortzaile bezala, asko ikasi dut sorkuntza prozesuari buruz. Hala ere, azpimarratu nahi dut orain hobeto bizi naizela. Hitz ponposoekin esatearren, pertenentziaren sentimenduan sakondu dut", kontatu du elkarrizketan.

Gasteizen euskaldun izateari buruz galdetuta, dio alde positiboa eta negatiboa ikusten diola. Negatiboa: oso zaila dela euskaraz bizitzea. Ez duela hainbeste erraztasun eta aurkitzen duenak gaztelaniara bultzatzen duela askotan. Hala ere, positiboa, oso eroso dagoela euskal komunitatean. "Sentsazioa dut asko ari direla Gasteizen euskara ikasten, saiatzen, ahaleginak egiten eta abar. Hori niretzat airea da". Gasteiz, euskalduntasunean periferiako leku gisa, interesgarri eta garrantzitsu ikusten duela adierazi du.

Entzun gogoeta hauek eta askoz gehiago azpiko audioan.

 


Kanal honetatik interesatuko zaizu: Euskara
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Eguneraketa berriak daude