Euskal Herria ez da salgai!
Philippe Thomine-Desmazures Frantziako Châteaurenard herrian sortu zen, eta zoritxarrez 2010ean Miarritzera etorri zen bizitzera. Zoritxarrez diot, Barnes luxuzko higiezin agentzia sortu zuelako, eta geroztik gure herria saltzen ibili delako bere poltsikoak betetzeko asmoz. Geroztik frantziar Gobernuaren kolonizazio prozesuan bere ekarpena egin du Euskal Herriaren etsai bilakatuz.
Orain dela hilabete batzuk, 2020 urteko balorazioa plazaratu du, eta pentsa genezakeenaren kontrara adierazten du salmenta aldetik urte paregabea izan dela. Martxoko konfinamenduak aste luzeetan zehar merkatua blokatu duen arren, errekor guztiak hautsi ditu. Izan ere, kopuru aldetik inoiz baino gehiago saldu dute, eta prezio aldetik ordura arte inoiz ez ikusitakoa gertatu da: Miarritzeko pisu bat saldu dute 40.000 euro metro koadroa. Sekulako erokeria!
"Etsaiek boterea duten heinean, beraiek dute erabakitzen zer egin gure herrian. Eta gure hitzak gutxi balio du horren aurrean. Tamalez autodefentsaren aukera besterik ez zaigu gelditzen, bortizkeria erabili behar bada ere"
Gainera harro dio etxe/pisuen %50a baino gehiago Paristarrei edo ingurukoei saldu diela. Errekor urte hori esplikatzeko hainbat arrazoi ematen ditu. Hasteko norbaitek argi ez bazuen, azaltzen digu krisiak ez diela aberatsenei eragin. Pisu txikietan pasatako konfinamenduak, telelanaren esperimentazioa, edota azken urteetan egoera soziopolitikoaren lasaitzeak bultzatuko ditu frantses kanpotarrak Euskal Herrian erostera.
Frantziar kolonoen etorrera berria ez bada, tendentzia horrek goraka eginen du. Hori gure nazio eraikuntzaren eta hizkuntzaren kalterako izateaz gain, merkatuaren legearen arabera, eskaintza urriak eta eskaera handiak, prezioen etengabeko igoera suposatzen du.
Horrela, alde batetik etxebizitza bat erosteko zailtasun handiak ditugu. Eta bestetik, bigarren etxebizitzen kopuruagatik, eta udan bakarrik alokagai diren pisuen erruz, zailtasunak ditugu urte osoko alokairua aurkitzeko. Zentzu horretan ulertu behar dira Bidarrain egin den herri-defentsa ekintza.
Etsaiek boterea duten heinean, beraiek dute erabakitzen zer egin gure herrian. Eta gure hitzak gutxi balio du horren aurrean. Tamalez autodefentsaren aukera besterik ez zaigu gelditzen, bortizkeria erabili behar bada ere. Hala ere argi ukan behar dugu, erabiltzen dugun autodefentsarako biolentzia huskeria bat dela gure herriak jasaten duen bortizkeriaren ondoan. Ekintza horiek ez baitira deus gure hizkuntzaren erailketaren, gure lurraren suntsiketaren eta gure duinki bizitzeko eskubideen urraketen aurrean.
Euskal herriak bizi behar du!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gasteizko Arana auzoan Nazioarteko Babeserako Harrera Zentroa birgaitzeko lanak hasi ondoren, bizilagun okupatuak eta kezkatuak garen aldetik eta Euskal Herria benetako harrera- herria izan dadin, berriz ere publikoki posizionatu beharra ikusi dugu. Beste behin ere lengoaia... [+]
Ikusiz zenbat psikologok, medikuk, terapeutak… metodo mirakuluak partekatzen dizkiguten, pentsa daiteke haurren heziketa nazioarteko kezka dela eta denok adituak bilakatu garela.
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Hezkuntza Sailak ebaluazio diagnostikoen berri eman zuen otsailean: 2023ko etapa erdikoa eta 2024ko etapa amaierakoak izan zituen hizpide. Emaitza negargarriek egiturazko arazoa dugula erakutsiko luketenez, sailak erabaki zuen tramitea bete bai (ED 23 eta 24 txosten exekutiboak... [+]
Kalean nindoan geneetan daramagun dispertsio joerara guztiz emana, bide fisiko eta curricularretatik desbideratzen zaituen abstrakzio alferrikakoren batean. Aurretik hogeita hamarrak bete gabeko neska bat. Zerbait erori zaio poltsikotik. Neska ez zen ohartu. Item bat zen... [+]
Bi toki diferentetan egokitu zait garbiketa egitea aldi berean. Ez garbiketa arrunt bat, baizik eta egunerokoan inguratzen gaituzten paisaiak beste era batean arakatzera behartzen gaituen hori, kanpoko objektu fisikoekin batera norberaren baitako egiturak ere mugiarazten... [+]
Bilboko Kafe Antzokian, hemen argitaratutako nire kolaborazioen bilduma den Zapalduon pedagogia liburuaren aurkezpenean, entzuleen arteko emakume batek bota zidan galdera. Ohikoak ditudan gaiak aletuz joana nintzen hitzaldian, eta Euskal Herriaren egungo egoeraren kezka jada... [+]
Yanis Varoufakis-ek DiEM25 mugimenduaren Youtubeko kanalean elkarrizketatu du Columbiako Unibertsitateko Jeffrey Sachs irakaslea. Horrek azaldu du nazioarteko politikan Amerikako Estatu Batuek pokerrean jokatzen dutela, Errusiak xakean eta txinatarrek Go jokoan. Azken hori... [+]
Pasa den astean, itzalaldian, gure burua zaurgarri ikusita, pertsona asko hasi ginen ikertzen, gertatutakoa ulertzeko asmoz: zelan funtzionatzen du elektrizitatea garraiatzen duen azpiegiturak? Zergatik geratu da zaharkitua? Elektrizitatearen fenomeno fisikoak liluratzen nau,... [+]
Euskadi markak, eraikuntza sektoreko ekonomiaren estrategian, “industrializazioa” mantrarako hitz gisa hartu duela jakinarazi berri du Eusko Jaurlaritzak. Etxebizitza publikoaren eraikuntzan industrializaturiko prozesu eta elementuak lan guztien %65a izatea... [+]
Pandemiak agerian utzi ditu, bere gordintasun osoan, zaharren, haurren eta dependentzia egoeran dauden herritarren arreta-eredu neoliberalaren ondorioak. Konfinamendu garaian loratutako diskurtso kritiko eta alternatiba komunitarioak sendotzeko unea da orain”. Horrela hasi... [+]
Ez dakit itzalaldiak itsutu gaituen edo itsu gaudelako itzali garen. Edozein kasutan, itzalaldia ez da gaur hasi eta bukatu den gertaera histerikoa –barkatu, historikoa–. Aspaldian hasi zela uste dut eta, zoritxarrez, ez zen San Prudentzio egunean amaitu.